web counter
LEXO PA REKLAMA!

SHKARKO APP

App Store
Google Play

“Pas tërmetit banorët në qiell të hapur”/ Deputetja demokrate thirrje autoriteteve

11 Gusht 2018, 18:33, Aktualitet CNA

Pas tërmetit që lënkundi Shqipërinë pasditen e sotme ka reaguar deputetja e Partisë Demokratike, Dhurata Çupi.

Në një postim në rrjetet sociale, Çupi shkruan se situata në qarkun e Dibrës paraqitet shqetësuese, kjo për shkak se epiqendra e tërmetit ishte në Mat.

Çupi bën me dije se dhjetëra banesa janë dëmtuar në bashkitë Klos, Mat e Bulqizë dhe shumë prej banorëve janë në qiell të hapur.

Deputetja demokrate u bën thirrje autoriteteve të reagojnë ndaj situatës në mënyrë urgjente.

Postimi i plotë:

Në Qarkun e Dibrës paraqitet shqetesuese dhe me pasoja, situata pas tërmetit, epiqendra e të cilit ishte në Mat.
Nga komunikimet e mia te vazhdueshme banorët të shqetësuar tregojnë se nga tërmeti kanë mbetur shume banesa të dëmtuara ndërsa vetë janë të trembur e disa edhe në qiell të hapur.
Ka dëme në dhjetra banesa në bashkite Klos, Mat e Bulqize.
Kjo situatë kërkon angazhimin URGJENT të autoriteteve ligjzbatuese për tu ardhur në ndihmë banorëve.
Nga komunikimin me institucionin e Prefektit dhe me Organet e Njesive Vendore përgjegjese , kërkova që strukturat e këtye institucioneve duhet të angazhohen në këtë situatë që të evidentohet cdo banesë apo familje që ka nevojë për strehim apo mbështetje. /CNA.al





Lajmet e fundit nga