E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Mesazh redaksional/ Një sakrificë e fundit për doktor Berishën

20 Korrik 2018, 17:15, Aktualitet CNA

Ish-kryeministri Sali Berisha, lideri historik i Partisë Demokratike, në pothuajse të gjitha daljet e tij mediatike flet me tone të ashpra në drejtim të qeverisë. Berisha mbetet një ndër ata politikanë që përkrah aktet ekstreme poltike, si protestat, mosbindja civile apo edhe djegia e mandateve si shenjë kundërshtimi me veprimet apo mosveprimet e qeverisë.

Madje, nuk janë ta pakta rastet kur Berisha ne daljet e tij mediatike, ka folur edhe për ?sakrifica?, duke ju bërë ftesë qytetarëve të sakrifikojnë për rrëzimin e qeverisë.

Kujtojmë këtu se rreth një vit më parë, në mars 2017 në një dalje mediatike, Berisha ju drejtua kryeministrit Rama, duke thënë se ?Jemi të gatshëm për çdo sakrificë për mbrojtjen e votës së lirë?.

Por, një thirrje e tillë nuk i shkon doktor Berishës, i cili ka përgjegjësi po aq sa Basha për gjendjen katastrofale në të cilën është katandisur sot Partia Demokratike. Basha është përgjegjës për gjendjen e PD-së, por edhe doktor Berisha është përgjegjës për ?produktin? e tij, që është Lulzim Basha, i vënë prej tij në krye të partisë më të madhe opozitare në vend.

Nëse doktor Berisha kërkon që qytetarët të marrin përgjegjësi, në fillim ta drejtojë gishtin nga vetja, dhe të marrë përgjegjësi për ringritjen e Partisë së idealeve të dhjetorit. Partisë për ?Shqipërinë si gjithë Europa?.

Por, Berisha së fundi ka kërkuar që shqiptarët të ngrihen dhe të sakrifikojnë kundër kësaj, siç e cilëson ai, qeveri e drogës, krimit dhe mafies.

Dhë nëse doktori kërkon sakrifica nga shqiptarët, sakrificën e parë duhet ta bëjë vetë ai, të ?sakrifikojë? Bashën dhe të bashkojë PD-në. Berisha mbetet lidër në sy të demokratëve, dhe për këtë arsye pse mos të sakrifikojë ai vetë i pari, dhe të marrë drejtimin e Partisë Demokratike, për rikthimin dhe bashkimin e saj.

Një lider si doktor Berisha nuk mund të kërkojë sakrifica nga shqiptarët, nëse nuk e hedh vetë hapin e parë të sakrificës dhe përgjegjësisë. Nëse sot shqiptarët janë të keqqeverisur dhe po vidhen çdo ditë, përgjegjësi për këtë ka edhe Berisha, i cili duke vendosur Bashën në krye të PD-së, ka lënë vendin pa opozitë.

Prandaj sakrificën duhet ta fillojë i pari duke marrë drejtimin e PD-së, ose duke sakrifikuar produktin e tij në krye të PD-së. Doktor sakrifica fillon nga ty, më pas shko tek shqiptarët./ CNA.al