web counter
LEXO PA REKLAMA!

SHKARKO APP

App Store
Google Play

 “Ligjet” ndryshojnë mendje/ Ja çdo ndodhë me të “djegurit” nga Vettingu

3 Korrik 2018, 11:08, Aktualitet CNA

Reforma në Drejtësi mbetet një ndër temat më të nxehta të debateve politike.

Kreu i Komisionit të Ligjeve, Ulsi Manja ka thënë sot se në Komisionin e Monitorimit ka 5 vende vakante dhe në këto rrethana, Komisioni i Ligjeve ka rihapur thirrjet për të plotësuar vendet vakante.-raporton shqiptarja.com.

Në komision ka patur debate për Ligjin e Avokatisë. Shkak është bërë një propozim për të lejuar çdo gjyqtar dhe prokuror të ?djegur? nga Vettingu, në fushën e avokatisë.

Socialisti Fino ka thënë se kjo është e papranueshme, pasi Kuvendi s?mund të bëhet strehë e atyre që djeg Vettingu.

Debatet e plota:

Fino: S?mund ta pranoj këtë

Shahmeti: T?i pushkatojmë?

Fino: Si mund të bëheni strehë e gjyqtarëve dhe prokurorëve që i djeg Vettingu.

Haxhia: Ke të drejtë morale, por bie ndesh me të drejtën për të ushtruar profesionin

Komisioni i Ligjeve ka miratuar në tërësi projektligjin për profesionin e avokatit. Projektligji është votuar vetëm nga mazhoranca, pasi deputetët e Partisë Demokratike, kanë munguar në Komision.

Deputeti i LSI-së, Nasip Naço tha se LSI është kundër njërit prej projektligjeve, atij që lejon emërimin e magjistratëve nga KLD dhe prokurororja e përgjithshme.

LSI nuk voton as hapjen e vendeve për 50 kandidatë për magjistratë nga Shkolla e Magjistraturës në vitin e ri akademik. Këto projektligje mazhoranca i ka votuar e vetme.

Mazhoranca rreth 2 muaj më parë, po në Komisionin e Ligjeve, përmes kryetarit Ulsi Manja, pas debateve me deputetin Bashkim Fino, tha se ata të larguarit nga sistemi i drejtësisë, s?mund të hyjnë nga dritarja, ndërsa sot ky projekligj është mbështetur në Komision.





Lajmet e fundit nga