LEXO PA REKLAMA!

SHKARKO APP

Urdhëri skandaloz i Bashës që shpartallon strukturat e PD-së

2 Korrik 2018, 11:14, Aktualitet CNA

Kryetari i Partisë Demokratike, ka nxjerrë një urdhër për riorganizimin në bazën e partisë, që duket të jetë një nga skandalet e tij të radhës që thjeshtë dhe vetëm çmonton më tej strukturat e bazës së PD-së.

Ndryshimet statutore dhe urdhëri i nxjerrë së fundi është një mënyrë që Lulzim Basha përdor për të kapur PD-në, por edhe për të shpartalluar strukturat e saj, duke larguar militantët dhe duke kapur partinë në forma qesharake.

Urdhëri i kryetarit të PD-së fillimisht zgjedh grupseksionet me një anëtër një votë dhe më pas seksionet.  Në fakt duhej të ishte e kundërta, zgjedhjet duhej të bëheshin në bazën e piramidës, më pas në grupseksione e më tej në degë.

Basha i ka zgjedhur së prapthi dhe ka vendosur parimin një anëtar një votë, por këtë parim nuk e përdor për zgjedhjen e kryetarit të degës. Atë pritet ta zgjedhë nëpërmjet votës së deleguar.

Një tjetër lëvizje ?dinake? e Lulzim Bashës për të kapur bazën e PD-së është forma që përdor ai në këto zgjedhje.

Katër vite më parë kur e pa se kishte humbur kontrollin e degës dhe bazës përdori një marifet,  departamentet. Në bazë shumica e tyre u emëruan dhe ata bënin përmbysje të raporteve në kryesi. Tani përdor një tjetër stil. Për të kontrolluar kryesitë, Lulzim Basha kap grupseksionet. Pra, nuk do të kemi më anëtar kryesie të zgjedhur por kryetarët e grupseksioneve do të bëjnë kryesinë e degës. E justifikuar si votë më përfaqësuese, ai është në fakt një përfaqësim i deleguar dhe Basha kështu kap nyjën kryesore të organizimit siç është grupseksioni më pas kap dhe kryesitë e degëve. Nëpërmjet kësaj formule, dhe të deleguarve në Kuvendin e degës ka nën kontroll edhe garën për kryetarin e saj.

Një urdhër dhe ndryshime statutore në funksion të marrjes peng të PD-së që në fakt rezulton të jetë një dështim i radhës i Lulzim Bashës, pasi edhe pse ka përgatitur një akt manipulativ me urdhër dhe datë të përcaktuar, ende nuk e ka zbatuar dhe ka dalë jashtë të gjitha afateve./ CNA.al

Lajmet e fundit nga