web counter
LEXO PA REKLAMA!

SHKARKO APP

App Store
Google Play

Liberalizimi i vizave/ Ky është afati i fundit për Kosovën

27 Qershor 2018, 19:12, Aktualitet CNA

Ministrja e Integrimit Evropian Dhurata Hoxha, e cila po qëndron për një vizitë zyrtare në Bruksel, thotë se në takimet me zyrtarë të BE-së nuk është përmendur asnjëherë mundësia e krijimit të një komisioni të ri për Kosovën, që do të merrej me vlerësimin e përmbushjes së kritereve për liberalizim të vizave.

Ajo tha se publikimi i rekomandimeve nga Komisioni Evropian është çështje ditësh. Brenda 11 korrikut dhe ajo beson se do të jetë pozitiv, me vendimmarrje deri në fund të vitit 2018.

Në një intervistë dhenë për radion “Evropa e Lirë” ministrja Hoxha ka mohuar krijimin e një komisioni të ri, i cili do të qëndronte tre muaj në Kosovë për të parë nga afër luftimin e krimit dhe korrupsionit nga ana e institucioneve.

?Unë gjendem në Bruksel, dhe në asnjë nga takimet e zhvilluar nuk është përmendur mundësia e të dërguarit të një komisioni të ri faktmbledhës, apo misioni vlerësues apo çfarëdo qoftë që po qarkullon nëpër media. Pra qoftë nga takimet e mia zyrtare, qoftë nga burimet e mia zyrtare, por edhe përmes kanaleve jozyrtare asnjëherë nuk është përmendur mundësia që të dërgohet një mision tjetër faktmbledhës përpos atij që tashme ka qëndruar në Kosovë e i cili ka qenë i zyrtarizuar nga Komisioni Evropian?, tha ajo.

Referuar procedurave rezulton se pas rekomandimeve të Komisionit Evropian, procesi i liberalizimit të vizave kalon tek komiteti LIBE i Parlamentit Evropian (Komiteti për të drejtat civile drejtësi dhe punë të brendshme), i cili duhet t?i miratojë këto rekomandime. Më pas procesi i vendimmarrjes kalon në trialog në mes të Komisionit Evropian, Parlamentit dhe Këshillit të Ministrave të BE-së.





Lajmet e fundit nga