web counter
LEXO PA REKLAMA!

SHKARKO APP

App Store
Google Play

E fundit!

x

Dështimi i radhës i Arta Markut/ Pjetërnikaj “ylli” që u vet’shua në operacionin antidrogë

17 Qershor 2018, 09:36, Aktualitet CNA

Institucioni i organit të akuzës është kthyer në një institucion të kthimit të ndereve, të rehatimit të miqve.

Kryeprokurja e Përgjithshme e përkohshme Arta Marku, që zyrtarisht e quan veten të përhershmen, deri më tani nuk është se ka shënuar ndonjë sukses.

Marku thjesht ka bërë punën e ?punëtores së ngarkim-shkarkimit?, dhe emërimet e saj kanë rezultuar të pasukseshme. Të paktën deri më tani.

Në këto rrethana, Marku duket se po përdor një tjetër skenar. Dhe loja ka nisur nga Prokuroria e Shkodrës, prokurori në të cilën ajo vetë ka punuar më herët.

Më 7 qershor 2018, Marku urdhëroi caktimin si Drejtues përkohësisht të Prokurorisë së Rrethit Gjyqësor Shkodër, z.Ylli Pjetërnikaj.

Ish-Drejtuesin e organit të akuzës së  Shkodrës Anton Martini, e solli tek  Krimet e  Rënda.

Kur kanë kaluar vetëm 9 ditë apo dhe më pak nga emërimi i Pjterënikajt në Shkodër, Pjetërnikaj ia ktheu nderin Markut, me një operacion antidrogë.

Të paktën kështu u reklamua në media, sikur Pjetërnikaj kishte qenë në krye të këtij operacioni.

Por, në fakt, CNA.al nga burime të sigurta mëson, se puna për operacionin antidrogë, të bërë publik dje është zhvilluar kohë më parë.

Në një kohë, kur 31 vjeçari Pjetërnikaj nuk ka qenë fare në Prokurorinë e Shkodrës.

Faktet

Në datën 7 qershor 2018 Prokuroria e Rrethit Gjyqësor Shkodër regjistroi procedimin penal mbi bazën e infomacionit të dhënë nga Drejtoria e Policisë së Qarkut Shkodër se shtetasi Ramadan Mustaf  Dushaj, i datëlindjes 03.10.1957 lindur dhe banues në fshatin Dobre të Malësisë së Madhe, organizonte veprimtari për financimin dhe transportin e lëndëve narkotike (marijuanë) në Qarkun e Shkodrës.

Më 7 Qershor 2018, Pjetërnikaj është emëruar në krye të Prokurorisë së Rrethit Gjyqësor Shkodër

Kjo do të thotë se puna për këtë operacion ka nisur më herët se Pjetërnikaj të merrte detyrën.

Ky pohim, se puna ka nisur më herët, me mbledhjen e informacioneve  vërtetohet  edhe nga fakti i mëposhtëm, konkretisht nga informacioni i shpërndarë në media  nga policia e Shtetit.

?Arrestimi i shteasve u bë, pasi nga tërësisa e veprimeve policore dhe hetimore të kryera prej një periudhë kohore disa mujore në funksion dhe të procedimit penal, u arrit që të bëhet goditja finale e këtij grupi kriminal dhe dokumentimi i aktivitetit të tyre ku ky grup e kishte shtrirë aktivitetin kriminal në qytet Shkodër, Lezhë, Kurbin dhe Malsi e Madhe?, thuhet në njoftimin e Policisë.

Dihet botërisht që bëhen pazare me emërimin e prokurorëve, por paska edhe më rëndë në Prokurori.

Vetëm 31 vjeç dhe prokurori Ylli Pjetërnikaj, zgjedh të ecë në karrierë nëpërmjet manipulimeve dhe punës së kolegëve të tij.

Ndaj procesi i Vettingut, nuk duhet t?i japë prioritet vetëm pasurisë, por më shumë aspektit  professional të prokurorëve dhe gjyqtarëve.

Ylli Pjetërnikaj më herët ka qënë pjesë e prokurorisë pranë Gjykatës së Shkallës së Parë Lezhë, i emëruar në vitin 2014, nga ish presidenti Bujar Nishani.

Ai ka shërbyer në Tropojë, si magjistrat i ri, e ku me firmë të prokurorit Adriatik Llalla është transferuar në prokurorinë e Tiranës. Së fundmi që prej marrjes së detyrës nga Arta Marku, ai ishte ndihmës ligjor në prokurorinë e përgjithshme dhe anëtar i drejtorisë së inspektimit, që bënte vlerësimin e punës së prokurorëve.

Sa i përket pasurisë, Pjetërnikaj rezulton se si burim të ardhurash ka pagën e prokurorit dhe atë të pedagogut. Në vitin 2015, Pjetërbikaj ka marrë dhe një kredi, prej së cilës thotë se ka pa paguar edhe 336,374.34 lekë.

Pasuria e deklaruar nga prokurorir Ylli Pjetërnikaj

Nga paga përgjatë periudhës 01.01.2017 -31.12.2017 , në shumën  1.032.565 lekë.

Paga si pedagog jo efektiv në Fakultetin e Drejtësisë Universiteti i Tiranës, për vitin akademik 2016-2017, në shumën  37,576 lekë e  derdhur në llogari në dhjetor të vitit 2017 dhe në shumën 96,024 lekë, e derdhur në llogari në mars të vitit 2016.

Kredi bankare në shumën prej prej 500.000 lekësh. Sipas kontratës kredi Bankare e datës 09.01,2015. Data e fillimit të kredisë është 13.01.2015. detyrim i pashlyer është 336,374.34 lekë.

Kontratë Overdrafti në shumën prej 200, 000 lekë./CNA.al





Lajmet e fundit nga