web counter
LEXO PA REKLAMA!

SHKARKO APP

App Store
Google Play

“Shit-blerja” e votës/ Eksperti i KiE “shuplakë” qeverisë

12 Qershor 2018, 09:12, Aktualitet CNA

Është mbledhur paraditen e sotme Komisioni i Reformës Zgjedhore. Mbledhja u shoqërua me debate në lidhje me fenomenin e shit-blerjes së votës.

Ekspert i KiE, Quentin Reed ka deklaruar se sondazhet tregojnë se 20% e shqiptarëve janë përfshirë në tentativa shitblerje vote

Ai theksoi se duhet të luftohet mendësia e dhënies së votës si detyrim moral për një shërbim që i është bërë ose dhënies së gjërave në shkëmbim në avancë.

?Në Shqipëri janë 5-6 mekanizma. Shpërndarja e parave e mallrave në zonat e varfra. Së dyti premtimi për punë në sektorin publik. Fenomen dominant në Shqipëri. Së treti, është pagesa për pjesëmarrje ose jo në votim duke ju marrë kartën e identitetit. Së katërti, përdorimi i skemës së mbështetjes sociale për fushatë dhe blerje vote.Fshirja e borxheve të dritave dhe ujësjellësit është një mënyrë tjetër. Duhet te ndalohet përdorimi i dhënies së shkëmbimeve të ruhet fshehtësia e votës dhe të ndërgjegjësohen njerëzit.?-tha eksperti i KiE.

Ndërkohë nga ana tjetër, edhe PD vijon që të akuzojë për blerje të votës dhe kërkon votim elektronik për të shmangur këtë fenomen. Por bashkëkryetari i Reformës Zgjedhore nga PS, Çuçi thotë se kjo nuk është cështje e vetëm një partie.





Lajmet e fundit nga