web counter
LEXO PA REKLAMA!

SHKARKO APP

App Store
Google Play

Vettingu “djeg” gjyqtarin e  Kushtetueses/ Zbardhet vendimi për shkarkimin e Fatmir Hoxhës

12 Qershor 2018, 07:55, Aktualitet CNA

Komisioni i Pavarur i Kulifikimit ka zbardhur vendimin me të cilin ka shkarkuar gjyqtarin e Kushtetueses Fatmir Hoxha.

Ky i fundit është anëtari i katërt i Gjykatës Kushtetuese që ra në procesin i vetingut, pasi,  nuk arriti të justifikonte 1.7 milionë lekë për blerjen e një apartamenti në Tiranë.

Kryesuesja e trupit gjykues, Xhensila Pine deklaroi se vendimi për shkarkimin nga detyra të gjyqtarit Fatmir Hoxha ishte marrë me shumicë votash.  Hoxha nuk ishte i pranishëm në sallë, ndërkohë që avokati i tij, Julian Mërtiri nuk dha asnjë reagim për mediat.

Deri në vitin 2011, kur Hoxha u emërua gjyqtar në Gjykatën Kushtetuese, Fatmir Hoxha  zotëronte një pasuri familjare  me vlerë 5 milionë lekë, e përbërë nga një apartament në qytetin e Shkodrës prej 65 metrash katrorë, një automjet Volksëagen Golf dhe pjesa tjetër kursime me burim pagën e vet nga funksioni dhe atë të bashkëshortes.

Pas emërimit në Gjykatën Kushtetuese në Tiranë, Hoxha i ka shitur asetet e tij në Shkodër në mënyrë që të transferohej me shtëpi në kryeqytet me familjen.

Me datë 25 shkurt 2011, gjyqtari ka lidhur një kontratë sipërmarrjeje për një apartament me sipërfaqe 112.3 metra katrorë, për një vlerë prej 140,450 euro.

Për apartamentin në Tiranë, gjyqtari Hoxha fillimisht ka paguar 51 mijë euro në cash, duke mbetur borxh te firma e ndërtimit për një shumë prej 89,450 euro.

Me poshtë do të gjeni vendimin e KPK -së:

http://kpk.al/wp-content/uploads/2018/06/Vendimi-Fatmir-Hoxha.pdf

 





Lajmet e fundit nga