web counter
LEXO PA REKLAMA!

SHKARKO APP

App Store
Google Play

Fëmijët pa fëmijëri dhe betejat false të shoqatave për mbrojtjen e të drejtave të tyre

12 Qershor 2018, 07:19, Aktualitet CNA

Në kuadër të Ditës Botërore Kundër Punës së Fëmijëve, Konfederata e Sindikatave të Shqipërisë i bën apel Inspektoriatit të Punës, Ministrisë Arsimit dhe Organeve të tjera ligj-zbatuese të bashkëpunojnë më ngushtë kundër fenomenit të shfrytëzimit në punë të fëmijëve.

Konfederata e Sindikatave të Shqipërisë thekson se “Nga Tropoja në Sarandë janë me dhjetëra fëmijë që të detyruar nga kushtet e vështira të familjeve të tyre lënë bankat e shkollës për tu bërë pjesë e tregut të punës, ku shfrytëzohen barbarisht.”

Gjithashtu sipas KSSH, kritike është situata në Bulqizë, ku fëmijët e mitur u bashkohen prindërve për të mbledhur krom, teksa përballë kësaj panorame të gjithë kanë zgjedhur heshtjen.

“Imazhet e fëmijëve Bulqizakë që mbledhin krom janë bërë lajm në mediat prestigjoze ndërkombëtare, ndërsa këtu në Shqipëri askujt si bën përshtypje.

Sot në Tiranë në sallat e hoteleve luksozë do mbahen konferenca për fëmijët nën moshë që janë pjesë e tregut të punës, ndërsa pas konferencës përfaqësuesit e Ministrisë Arsimit dhe Shoqatave për Mbrojtjen e të Drejtave të Fëmijëve do dynden nëpër restorante për festuar suksesin e aktivitetit, e fondet që mblodhën.

Jashtë restorantit me siguri do shohin fëmijë që vijnë tu shesin paketa, çakmakë, apo pajisje të ndryshme.”-thuhet më tej në deklaratë.

Konfederata e Sindikatave të Shqipërisë shprehet se ky është realiteti i hidhur shqiptar, ku fenomenet negative luftohen vetëm në letër.

Shfrytëzimi i fëmijëve gjatë sezonit veror është një fenomen më i pranishëm, kryesisht në zonat bregdetare, ndërsa fëmijë që lypin kanë ?pushtuar? rrugët e Shqipërisë.

Fëmijë janë e ardhmja, mos u vrisni fëmijërinë !/ CNA.al





Lajmet e fundit nga