web counter
LEXO PA REKLAMA!

SHKARKO APP

App Store
Google Play

Fotot-2.5 miliardë lekë të hedhura në plehra/ Ramës i thahen pishat e Veliajt në autostradë

11 Qershor 2018, 12:21, Aktualitet CNA

Meqë në fillim të sezonit turistik, qeveria ka vendosur të fillojë punimet për rehabilitimin e autostradës Tiranë-Durrës, duke shkaktuar kaos në trafik, nga ecja ngadalë me makinë më bëri përshtypje diçka.

Pas tharjes se 3 milion eurove palma, në mos më shumë, u vendosën 2.5 miliard lekë pisha.

Herën e parë u bë me tender nga qeveria, ndërsa herën e dytë i vuri Bashkia e Tiranës.

Meqënëse sot kishte një fluks të madh në autostradë për shkak se ajo po ndërtohet në fillim të sezonit turistik, na bëri përshtypje tharja masive e pishave.

Të paktën 20-30% e pishave janë tharë, ndërsa në proçes tharje ndodhet edhe më shumë se gjysma e tyre. Fotot e tregojnë dhe kushdo që ecen në autostradë mund ta shohë.

Nga fotot e ditës së sotme shikohet se nga 2.5 miliardë lekë, nëse bëhet fjalë për afërsisht 20% të pishave, megjithëse janë më tepër të thara, 500 milion lekë nga taksapaguesit e Tiranës janë hedhur në plehëra, pasi 20% e pemëve janë tharë. Llogaria është mjaft e thjeshtë. Mjafton të shikosh çfarë ka ndodhur dhe e kupton, se me 2.5 miliardë lekë pisha të mbjellura, një pjesë e madhe e tyre po thahen totalisht.

Këtu nuk po themi se janë tharë gjysma, pasi në proçes tharje duken gati 50% e tyre. Që do të thotë rreth 1.2 milion dollar të hedhura dëm. Fotot më poshtë flasin vetë./ CNA.al





Lajmet e fundit nga