web counter
LEXO PA REKLAMA!

SHKARKO APP

App Store
Google Play

KPA merr vendimin për ish-kryeprokurorin/ Adriatik Llalla ja “hedh” drejtësisë

11 Qershor 2018, 11:27, Aktualitet CNA

Komisioni i Posaçëm i Apelimit ka vendosur sot që ish-kryeprokurori Adriatik Llalla ti mos i nënshtrohet procesit të Vettingut.

Sipas vendimit të KPA, Llalla nuk do t?i nënshtrohet hetimit të pasurisë apo analizës së figurës morale dhe aftësive profesionale.

Procesi ndaj Adriatik Llallës u ndërpre nga Komisioni i Pavarur i Kualifikimit pas dorëheqjes së ish-kryeprokurorit nga e drejta për t?u emëruar gjyqtar apeli dhe rrjedhimisht nga i gjithë sistemi i drejtësisë.

Verdikti u mor në atë kohë nga trupi gjykues i KPK me kryesues Roland Ilia dhe anëtarët Pamela Qirko dhe Olsi Komçi. Por, ky është rezultat i njëjtë sikurse edhe ai i një trupe tjetër gjyqësore të KPK, e cila po për shkak të dorëheqjes si gjyqtar kushtetues i ndërpreu vettingun edhe Besnik Imerajt.

Por Komisioneri Publik, Florian Ballhysa tha se Adriatik Llalla si magjistrat nuk ka ndjekur procedurën ligjore të dorëheqjes. Sipas tij, megjithëse Llalla ka lënë detyrën në dhjetorin e vitit të kaluar, ai nuk është larguar si magjistrat dhe si i tillë duhet të kalojë në filtrat e verifikimit të pasurisë dhe figurës.

?Llalla e gëzon ende statusin e magjistratit për shkak se është ish- kryeprokuror. Ai nuk e ka dhënë dorëheqjen në formën e kërkuar?- tha Ballhysa.

Kolegji i Posaçëm Apelimit mori në shqyrtim çështjen e dorëzuar nga Komisioneri Publik, por me vendimin e sotëm, Llalla i shpëton Vettingut.

Ndërkohë ish-kreu i organit të akuzës, Adriatik Llalla është edhe nën hetime nga Prokuroria për Krime të Rënda.

Veprat penale, për të cilat po hetohet Llalla përfshijnë ?refuzimin për deklarim, mosdeklarim, fshehjes ose deklarimit të rremë të pasurisë?, mosdeklarim të shumave të të hollave në kufi?, ?pastrim të produkteve të veprës penale? dhe ?shpërdorim detyre”./CNA.al





Lajmet e fundit nga