Henri Çili padit CNA.al

7 Qershor 2018, 12:25, Aktualitet CNA

Sot nëpërmjet postës, në redaksinë e CNA.al ka ardhur një padi civile nga Universiteti Europian i Tiranës (UET) dhe pronari i saj Henri Çili. Një padi që nuk na çuditi, pasi ndodh zakonisht shpesh që disa botues mediash, kur ju thua të vërtetat t?ju dridhen leqet e këmbëve dhe këtë ne e kemi bërë me shumë prej tyre.

Një nga këta raste është edhe Henri Çili, ndaj të cilit ne kemi thënë shumë të vërteta dhe nuk do të ndalemi ti themi ato dhe jo sikur të vijë një, por edhe 100 padi të sjellë, dhe jo po të shkojë në një gjykatë, por edhe po të shkojë në Strasburg dhe në Hagë po të dojë, ne nuk do të ndalemi për të vërtetën.

Së pari i themi Henri Çilit se ne i qëndrojmë shkrimeve tona. I qëndrojmë të vërtetave të mëdha. Nuk është problemi ynë se Henri Çili ka miliona euro kredi, nuk është problemi ynë se Henri Çili i ?lëpihet? sa një partie, sa një partie tjetër.

Kërkon Berishën për një mandat të tretë, apo shpall Edi Ramën njeriun e vitit, për t?ju servilur kryeministrit që më pas ti sjellë në tavolinë ligjin e arsimit të lartë. Atë ligj për të cilin kanë luftuar universiteti publik dhe dhjetëra pedagogë, duke e cilësuar klientelist, të financuar dhe mbështetur nga Henri Çili dhe sejmenët e tij lart e poshtë.

Gjithsesi Çili duhet ta dijë mirë, ta mësojë edhe administratori i UET dhe të gjithë ata që i vijnë vërdallë, por edhe stani i politikanëve që ai mbështet, se ne nuk ndalemi në të vërtetat. Do të shkojmë në gjykatë, dhe ashtu siç u mbyll dhe fituam me produktin e tij, Ervin Salianji, ashtu do të fitojmë edhe me Henri Çilin për të vërtetën.

Gjithashtu i premtojmë opinionit publik dhe në veçanti Çilit se do të themi edhe disa të vërteta të tjera, të cilat deri tani nuk i kemi shkruar. Një nga një dhe ditë pas dite, qoftë edhe në seancën e gjyqit. Nuk do ti shkruajmë publikisht që mos ti marrë Henri Çili si presion për shkak të padisë, por ne do t?ja themi të vërtetat në gjyq. Të vërtetat janë më të rënda. Akuzat, në krahasim me ato që kemi shkruajtur janë ?bomba? të vërteta. Ne nuk kemi frikë nga paditë dhe aq më tepër nga Henri Çili apo nga sejmenët e tij.

Jo në Gjykatë të shkojë, të shkojë ku të dojë të kërkojë të drejtën e tij. Ne mbështesim çdo njeri i cili kërkon që e vërteta të dalë në dritë dhe ne do ta themi këtë të vërtetë edhe për kreditë dhe borxhet e Henri Çilit edhe për produktet politike të Henri Çilit. Dhe për atë imazh apo PR që Henri Çili bën lart e poshtë në media duke prishur miliona e miliona.

Nuk na vjen turp ti themi këto. Ne nuk ndryshojmë emrin, ne nuk kemi frikë. Midis këtyre që ndryshojnë emrin se kanë hall se i arreston policia dhe atyre që e ndërrojnë sepse nuk ju pëlqen emri që ju ka vënë babai, ne zgjedhim të parin se e kanë nga halli.

Kjo punë në fakt do pak burrëri, që nuk fillon tek ndonjë palaço politik e nuk përfundon tek imoraliteti.

Ne nuk financojmë kllouna dhe sharlatanë politikë. Ne nuk hidhemi sa në prehër të Lulzim Bashës në të Edi Ramës.

Ne betejën tonë e kemi me të vërtetën, të cilën nuk na e ndalin dot jo paditë e Henri Çilit, por askush në këtë botë. Këtë ta varë vëth në vesh jo vetëm Henri Çili, por kushdo që i vjen nga pas dhe mendon si ai.

Henri Çili është një produkt nga më të neveritshmit e politikës apo demokracisë shqiptare. Nga ata që e thamë më lart. Lëpihet pranë një stani, apo një tjetri, për tu shitur më pas si pronar i një universiteti modern, një nga më të mirët në Shqipëri, që në fakt sot po financohet nga një ligj korruptiv dhe klientelist, i miratuar nga Edi Rama.

Gjithësesi të tjerat do ti themi në ditët në vijim, në gjykatë, aty ku do dhe kur do Henri Çili. Si të dojë Henri, në orën që do Henri, por vetëm për një gjë duhet të jetë i bindur. Ne nuk jemi Ervin Salianji dhe as G.D. Ne jemi media, dhe nuk do të pranojmë kurrë të ulim kokën përpara tij apo produkteve të tij të neveritshme. Ne do të luftojmë në betejën tonë deri në fund për të vërtetën dhe vetëm për të vërtetën.

Këtë jo vetëm në gjykatë, por kudo që të dojë Henri Çili, qoftë edhe në debate publike dhe kudo që ai mendon se duhet të dalë e vërteta. Ne kemi një ndryshim të madh, ne kemi në anën tonë lexuesit, ne kemi në anën tonë të vërtetën, kurse Henri Çili ka nga pas klientelizmin politik dhe asgjë me tepër se kaq./ CNA.al