web counter
LEXO PA REKLAMA!

SHKARKO APP

App Store
Google Play

Greqia jep lajmin e mirë për emigrantët

4 Qershor 2018, 16:51, Aktualitet CNA

Greqia ka dhënë një lajm tjetër të mirë për emigrantët, këtë herë lidhur me lejet e qëndrimit të tyre.

Pas amendamentit të kaluar me urgjencë ditën e sotme, emigrantët shqiptarë në Greqi do të paguajnë gjysmën e tarifave për lejet e qëndrimit. Ndryshimet kanë ardhur pas paralajmërimit për penalizim nga KE për aplikimin e tarifave shumë të larta në krahasim me vendet e tjera anëtare të BE-së, lejet e qëndrimit bazuar ne legjislaturën e përbashkët europiane, nën udhëzimet e BE-së do të kenë kosto reciproke e të unifikuar.

Konkretisht, amendamenti referohet në lejet e qëndrimit 5-vjeçare të rezidentit afatgjatë, leje qëndrimi për bashkim familjar, leje për studime, leje personale ?aftotelis?, karta blu.

Ky amendament parashikon se nuk do ndryshojë kostoja e lejeve të qëndrimit 10-vjeçare, për arsye të jashtëzakonshme dhe e brezit të dytë, vendime bazuar në legjislaturën greke për emigracionin. Tashmë kostoja e lejeve nën udhëzimin e BE-së do të jetë 150 euro, rreth 50% më lirë se sa paguajnë emigrantët shqiptarë, disponues të tyre në Greqi.

Po ashtu ky amendament parashikon lehtësira për të papunët që do të përfitojnë siguracion shëndetësor falas, si dhe shtetasit grekë. Për fëmijët mbi 18 vjeç do të kenë mundësinë të sigurohen nga prindërit si për lejen e qëndrimit ashtu dhe për siguracionin shëndetësor. /CNA.al





Lajmet e fundit nga