web counter
LEXO PA REKLAMA!

SHKARKO APP

App Store
Google Play

E fundit!

x

Të hënën pritet të caktohet Prokurori që do të hetojë Ministrin e Bujqësisë

25 Maj 2018, 18:45, Aktualitet CNA

Prokuroria po e pret hedhjen e  shortit për të përzgjedhur prokurorin adekuat, që do të merret ekskluzivisht me rastin e hetimit të ministrit të bujqësisë Nenad Rikalo, përfaqësues i Lista Sërbe në qeverinë e drejtuar nga Ramush Haradinaj.

Lajmin e ka bërë të ditur kryeprokurori i Prokurorisë Themelore në Prishtinë, Imer Beka.

?Ne e kemi pranuar lëndën. E kanë sjellë te ne. Është regjistruar si lëndë, mirëpo po presim t?i ndajmë lëndët me short për ta caktuar prokurorin, i cili do të merret me rastin?, ka konfirmuar shkurt Beka.

Fillimi i procesit hetimor ndaj ministrit Rikalo ka ardhur pasi të enjten gazeta kosovare “Zeri” ka raportuar që prej vitit 2005 Ministri e ka të regjistruar një biznes në fushën e bujqësisë, nga i cili ende nuk ka hequr dorë zyrtarisht, ndonëse qe nëntë muaj është emëruar në krye të këtij dikasteri qeveritar. Po ashtu ai ka qenë edhe bashkëpronar në një biznes tjetër të ngjashëm, por ka hequr dorë nga i njëjti.

Ministri i Bujqësisë Nenad Rikallo në një përgjigje me shkrim për ?Zërin? kishte pranuar se ka qenë i autorizuar në kompaninë ?Future System?, por sipas tij fitimi dhe qarkullimi i mjeteve të kompanisë është 0.

Ndërkohë, njohës të sistemit ligjor në Kosovë kërkuan shkarkimin e ministrit Rikalo pas zyrtarizmit të biznesit të tij privat. Ndërsa në Agjencinë Kundër Korrupsionit i thanë gazetës se trajtimi i rasteve mbetet konfidencial, pa dhënë më shumë detaje nëse ministri gjendet në konflikt interesi.





Lajmet e fundit nga