web counter
LEXO PA REKLAMA!

SHKARKO APP

App Store
Google Play

E fundit!

x

Ikën Hajdarmataj, por mban peng dosjen “Tahiri”

9 Maj 2018, 17:47, Aktualitet CNA

Ajo që pritej ndodhi!

Besim Hajdarmataj, nuk do të jetë më kreu i Prokurorisë së Krimeve të Rënda.

Me urdhër të prokurorës së përkohëshme Arta Marku ai është shkarkuar në mesdrekë nga posti i kryeprokurorit.

I etiketuar si mik i familjes Berisha, për shkak të origjinës së tij, Hajdarmataj ishte një nga emrat më të diskutuar pas ardhjes së Markut në krye të organit të akuzës.

Shkarkimi i tij ishte çështje kohe dhe vetëm sot në mesdrekë zyra e shtypit pranë Arta Markut njoftoi shkarkimin e tij nga detyra e kreut të akuzës së Krimeve të Rënda.

Nga sot Hajdarmataj do të jetë prokurorë i thjeshtë, por në duart e tij ende do të vërtitet çështja ?Tahiri?. Ai është prokurori i cili do të vijë të hetojë çështjen edhe pse jo në pozitat e ?shefit? të akuzës.

Në vend të tij prokurorja e përkohëshme njoftoi emërimin e Donika Prelas, kryeprokurores së Durrësit, e cila do të zëvendësojë nga nesër Hajdarmatajn.

Kjo njihet ndryshe si prokurorja e cila vendosi hetimin e ish-kryeprokurorit Adriatik Llalla. Sipas informacioneve ajo kërkoi dhe vendosjen e një mase për Llallën, kërkesë e cila u hodh poshtë nga Hajdarmataj.

Por ekuacioni tashmë është zgjidhur. Sot në krye të Prokurorisë së Krimeve të Rënda kemi një prokurore e cila kërkoi arrestimin e Llallës përballë një kryeporkurori të cilit ende si ka mbaruar mandati, i cili nuk pranoi arrestimin e këtij të fundit, por që ende në duar mban një nga çështjet më të rëndësishme , sic është ajo e Tahirit. /CNA.al





Lajmet e fundit nga