web counter
LEXO PA REKLAMA!

SHKARKO APP

App Store
Google Play

Beteja e televizioneve/ Tahiri rikthen Top Channel, shfaqet dhe Balla

4 Maj 2018, 12:06, Aktualitet CNA

Mbrëmja e së enjtes prej kohësh tashmë është kthyer në një ?luftë? audience mes ekraneve kryesore televizive në vend.

Mbrëmjen e djeshme në të gjitha ekranet televizive, shkaktoi ?tërmet? deklarata e fortë e ish-ministrit të Brendshëm Saimir Tahiri si dhe dorëzimi prej tij i mandatit të deputetit.

Në të gjitha emisionet politike të së enjtes së djeshme, është trajtuar e njëjta temë, ?Dorëzimi i mandatit të deputetit nga Saimir Tahiri, deklarata e tij për mediat dhe çfarë pritet të ndodhë pas këtij vendimi?.

Por, emisioni ?Opinion? në TV Klan, i gazetarit Blendi Fevziu, ku të ftuar ishin analistët Artan Hoxha, Mustafa Nano, Preç Zogaj, profesor Mark Marku si dhe gazetari Artan Hoxha ka ?shkatërruar? audiencën, dhe ka dalë fitues përballë emisioneve të tjera politike.

Emisioni ?Të Paekspozuarit? i Ylli Rakipit në Top Channel, ku të ftuar ishin Armand Shkullaku, Andi Bushati dhe Saimir Tahiri, ashtu sikurse shikohet edhe në grafikun e siguruar nga CNA.al ka qënë i dyti në radhë, ndërsa në pak momente ka qënë i pari për shkak të pranisë së ish-ministrit të Brendshëm, Saimir Tahiri.

Ajo çfarë vihet re është edhe një rikthim i Sokol Ballës, ku emisioni ?Real Story? në Vizion Plus, me të ftuar në studio Basir Çollakun, Arjan Vasjarin, Skender Minxhozin dhe Alfred Lelën është i treti në radhë.

Ndërsa pothuajse me të njëjtën audiencë qëndrojnë emisioni ?360 gradë? i Artur Zhejit në Ora News, ku të ftuar ishin avokati Spartak Ngjela e gazetari Bledian Koka dhe emisioni ?Studio e Hapur? i Eni Vasilit në News 24, ku të ftuar ishin analistët Ervis Iljazaj, Shpëtim Nazarko, Arjan Çani dhe Arjan Curri./ CNA.al





Lajmet e fundit nga