E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Dokumentet ekskluzive/ Zbardhet lista, kush po luan me dosjet e Krimeve të Rënda?

26 Prill 2018, 11:22, Aktualitet CNA

Kur të gjithë i kanë sytë nga drejtësia, ku dy gjykatat më të rëndësishme në vend nuk funksionojnë për shkak të vakuumit njerëzor, institucionet ku pretendohet ta japin atë janë ende në konflikt me ligjin.

I tillë është vendimi për të hequr nga duart e ?cave? për ti dërguar tek të ?cave?, çështje të rënda dhe ngjarje të bujshme, hetimi dhe gjykimi i të cilave pritet të japë drejtësi në vend.

Janë me qindra dosje në hetim dhe gjykim që brenda pak kohësh u shpërndanë në prokuroritë dhe gjykatat e rretheve për kompetencë.

Një pjesë e mirë e tyre, për vrasje, krime të rënda dhe trafik nga organizatat ndërkombëtare, u deleguan me anë të postës sekrete për shkak të sigurisë së provave dhe akteve të rëndësishme për hetimin dhe gjykimin e tyre.

Për këtë u paguan shumë para nga kjo gjykatë, dhe dosjet nuk u hapën në asnjë moment.

Tre vite pas ekzekutimit të trefishtë pranë Fakultetit të Shkencave në Tiranë, çështja duket se është drejt fundit të gjykimit. Nën akuzë janë vënë dy vëllezërit Markeljan dhe Klejvis Doçi.

Edhe pse me një trup gjykues të cunguar, Kolegji Penal në Gjykatën e Lartë e ka marrë një vendim duke i hapur dritën jeshile një prej ngjarjeve më të rënda të ndodhura në vend, ku tre persona u ekzekutuan në emër të hakmarrjes.

Ngjarja e 27 majit të vitit 2015, përfundimisht do të shqyrtohet nga Gjykata e Krimeve të Rënda dhe jo nga ajo e rrethit, siç parashikonte ligji për ndryshimet e fundit ligjore.

Fatin e saj pritet ta kenë edhe mbi 20 dosje të tjera që pritet të rikthehen për gjykim pranë kësaj godine.

Një vendim i Kolegjit Penal pranë Gjykatës së Lartë, i datës 19 prill 2018, vendos rikthimin pranë Krimeve të Rënda të çdo çështje, e cila është kompetencë e saj dhe që rezulton e regjistruar përpara datës 31 /07/2017.

?Kolegji veren se për çështjet që janë regjistruar pranë Gjykatës së Krimeve të Rënda, deri në datën 31/07/2017 , si dhe procedimet penale të regjistruara deri më datë 31/07/2017, në prokurorinë pranë kësaj gjykate, duhet të gjejnë zbatim dispozitat që parashikonin ushtrimin e kometencës, siç kanë qënë përpara hyrjes në fuqi të ndryshimeve në Kodin e Procedurës Penale.

Janë rreth 30 dosje të rënda penale të cilat i ishin dërguar për kompetencë lëndore gjykatave në rrethe, dhe mbi 100 dosje hetimore të deleguara pranë prokurorive ku ka ndodhur krimi.

Shumë prej tyre të transferuara me postën sekrete për shkak të rëndësisë së provave hetimore. Por, i gjithë vakuumi dhe lëmshi që krijoi ligji, duket se mori zgjidhje me vendimin e kolegjit penal, i cili rikthen kompetencen lëndore të gjykatës dhe prokurorisë së krimeve të rënda për çështje që rezultojnë të regjitruara pranë saj që prej datës 31 gusht të 2017.

Ne mundëm të siguronim vendimin njësues të Gjykatës së Lartë i cili përcakton ekzistencën e Gjykatës së Krimeve të Rënda dhe vijueshmërinë e shqyrtimit të çështjeve , deri në krijimin e Gjykatës kundër korrupsionit dhe Krimit të Organizuar.

Kjo është lista e çështjeve të cilat pritet të rikthehen për rigjykim pranë krimeve të rënda.

E vetmja dosje që nuk pritet ti rikthehet kësaj gjykate është ajo e vrasjes së gjyqtares Fildeze Hafizi, nga ish-bashkëshorti i saj, Fadil Kasemi, pasi data e regjistrimit të saj nuk përkon me atë të vendimit të kolegjit për kompetencë lëndore.