E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Ofendimi dhe etiketimi i gazetarëve/ “Reporterët pa Kufij” kryqëzojnë Ramën

26 Prill 2018, 09:37, Aktualitet CNA

Pauline Ades Mevel, shefe e Zyrës për Ballkanin dhe Europën/ RSF ka folur për lirinë dhe problemet e medias në Shqipëri me rastin e publikimit të raportit të Reportereve pa Kufij-Press Freedom Index RSF 2018.

Në një lidhje të drejtpërdrejt me Skype në emisionin qëndror të lajmeve në Fax Neës, Mevel tha se sa i përket lirisë së medias, Shqipëria renditet në vendin e 75-të.

Gazetarja theksoi tre sektorë ku adresohen problemet e medias në Shqipëri.

?E para ka një mungesë besimi në shkrimin e gazetarëve, në punën e tyre të përditshme.

Ka pasur raste çensure të punës mediave në Shqipëri. Ne kemi qenë në Shqipëri dhe mjedisi tregon se gazetarët nuk punojnë në kontekstin e pluralizmit sepse pronarët e mediave janë një seri biznesmenësh të mëdhenj.? ? shpjegoi ajo.

Gazetarja franceze theksoi se një ndër problemet më të mëdha të medias në vendin tonë, është sjellja e kryeministrit Rama me të.

?Tjetra, mendojmë që gazetarët janë të ekspozuar për shkak të sjelljes së kryeminsitri Rama. Rama i ka quajtuar gazetarët si helmues të opinionit publik disa herë. Kjo konsiderohet problem për ne.? ? theksoi Mevel.

Pauline Ades Mevel tha se në kohën kur Shqipëria po kërkon integrim në Bashkimin Evropian dhe kur po kërkon të tregojë se është përmirësuar në zbatimin e ligjit, një përmirësim i tillë duhet të zbatohet edhe në cilësinë e gazetarëisë dhe lirisë së shtypit.

Ndërsa e pyetur nëse ka një përmirësim të situatës në Shqipëri në 2013-2017, ajo tha se ?Unë mendoj se Shqipëria është e impaktuar pozitivisht për shkak sepse disa vende të tjera janë më keq se Shqipëria në drejtim të mediave. Ky është rasti i Serbisë. Shqipëria mbetet në të njëjtën situatë. Por Shqipëria mund të bëjë më mirë. Ka sulme politike dhe dënime publike ndaj gazetarëve. Ne kemi nevojë për një seri përmiësimesh në Shqipëri.?

Kujtojmë këtu se në Raportin e Freedom House, në një listë me 180 shtete, Shqipëria radhitet në vendin e 75-të.

Një raport i përbashkët i “Gazetarëve pa kufij” dhe BIRN-it i publikuar në muajin mars të këtij viti, ka gjetur shumë probleme në mediat shqiptare. Standardet rregullative janë manipuluar në interes të qeverisë dhe pronësia mbi median transmetuese është përqendruar në duart e pak afaristëve të mëdhenj. Kjo, ka krijuar një situatë në të cilën auto censura është e përhapur dhe 80 për qind e gazetarëve nuk kanë besim në ardhmërinë e tyre profesionale.

Raporti veçon rastin kur, kryeministri Edi Rama, sulmoi gazetarët në vjeshtë duke i quajtur ata “injorantë”, “helm”, “sharlatanë”, e madje edhe “armiq publik”.