E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Rrëmbyen tregtarin, i kërkuan 100 mijë euro/ Arrestohen dy serbët

23 Prill 2018, 20:35, Aktualitet CNA

Dy shtetas serb, përkatësisht Ivan S., 43-vjeç dhe Zoran J., 48-vjeç, nga Kurshumlija, janë arrestuar nga policia serbe për shkak të rrëmbimit të tregtarit me pasuri të patundshme, Shaqir P., 50-vjeçar, nga Prishtina. Për lirimin e 50 vjeçarit nga partneri i tij i biznesit, rrëmbyesit kanë kërkuar 100 mijë euro, raporton “Zeri.info”.

Duke përmendur deklaratën e MUP-it serb, mësohet se dy serbët janë arrestuar në Beograd nën dyshimin se e kanë rrëmbyer 50-vjeçarin në zonën e Rashkës dhe më pas kanë kërkuar kompensim për lirimin e tij.

Policia i ka arrestuar në Beograd,ndërsa ishin duke pranuar paratë?, thuhet në komunikatën e MUP-it serb.

Gjatë bastisjes së vilës së I.S., janë gjetur një revole, një karabinë e gjuetisë dhe 16 copë fishekë, kështu që ndaj tij rëndon edhe akuza për armëmbajtje pa leje.

Sipas informatave jo zyrtare, prapa rrëmbimit të Shaqir P., nuk fshihen motive kombësie, por motive materiale. Sipas hetimeve të policisë, rrëmbyesve u kishte rënë në sy biznesmeni kosovar për shkak të udhëtimeve të tij të shpeshta në Rashkë.

Shaqiri merret me shitblerje të tokave në Kosovë dhe në jug të Serbisë dhe atë si ndërmjetës.

Sipas të dhënave që mund të gjenden në Internet, kompania e tij është shumë mirë e njohur edhe në Serbi. Këta kriminelë e kishin planifikuar mjaft mirë rrëmbimin, duke e kontaktuar se janë të interesuar për shitblerje të tokave, përcjell më tutje “Zëri”.

Kur Shaqiri kishte arritur në takimin e paraparë, dyshja e kishin rrëmbyer dhe e kanë mbajtur të mbyllur në një objekt në Arangjellovc.

Në këtë objekt, ata nga Shaqiri kishin nxjerrë informata rreth kontakteve të biznesit, duke hulumtuar se nga kush mund t?i nxjerrin më lehtë paratë për lirimin e tij.

Në fund kishin kontaktuar partnerin e tij të biznesit nga Beogradi dhe nga ai kishin kërkuar 100 mijë euro nën kërcënimin se nëse nuk paguajnë, Shaqiri do ta pësojë.

Partneri i Shaqirit kishte pranuar kushtet dhe kishte caktuar takimin në një restorant të njohur në Bulevardin e Mbretit në Beograd.

Ai paralelisht kishte kontaktuar edhe policijë, ku këta të fundit e kishin shpikur planin dhe e kishin këshilluar të merrte paratë e kërkuara, në mënyrë që rrëmbyesit të kapeshin me presh në dorë.

Në këtë takim, partneri i Shaqirit ishte paraqitur me 20 mijë euro kesh, ndërsa policia i ka arrestuar rrëmbyesit me rastin e pranimit të parave.