web counter
LEXO PA REKLAMA!

SHKARKO APP

App Store
Google Play

E fundit!

x

Funksionon akoma linja e drogës Vlorë-Katania (Siçili)

24 Mars 2018, 17:19, Kronika CNA

Në sajë të një impenjimi të jashtëzakonshëm të organeve ligjzbatuese italiane nga viti 2014 deri në 2017 u arrit të goditej me efikasitet trafiku i drogës e me raste i armëve nga Vlora për në Sicili. U kapën jo vetëm peshkarexha e jahte ngarkuar me tonelata kanabisi, kallshnikovë e fishekë, por edhe u doli boja si të lidhur me këtë linjë droge, oficerëve të lartë të policisë, kolonelë e ndonjë gjeneral ushtrie (radarët e QNOD-së Durrës) si edhe të ndonjë politikani..

Fatkeqësisht kemi rigjallërimin e linjës siciliane të eksportit të kanabisit shqiptar. Mbetet për t?u parë, cilët janë narkotrafikantët, që zëvendësuan Habilajt e Tahirit. Financierët e Katanias (Catania) ?peshkuan? në Plazhin Riposto afër vendit të quajtur Torre Archiraffi një ballo të madhe.

Në të kishte 4 pako plasmasi të mbyllura mirë plot me kanabis me peshë të përgjithshme 21 Kg. Guardia Di Finanzia dhanë alarmin dhe kolegët e tyre filluan kontrollin e bregdetit deri në zonën e Fiumifreddo-s. Me gjithë kohën e keqe dhe detin me dallgë u arrit të ?peshkohej? një tjetër ballo plasmasi. Në të kishte 4 qese plasmasi të mbyllura mirë plot me kanabis me peshë të përgjithshme 22 Kg.

Guardia Di Finanzia po hetojnë për anijen ?mëmë?, ku shpresojnë të gjejnë edhe sasinë tjetër të drogës (mbi një ton). Financierët besojnë se narkotrafikantët shqiptarë po bashkëpunojnë me mafiozin e famshëm Cateno Mancuso nga qyteti Xharre (Giarre) për të futur në Sicili sasi prej dhjetra kuintalësh kanabisi shqiptar./ Gjergj Thanasi





Lajmet e fundit nga