E fundit!

13:38 Editorial

Çmimet e karburantit sot dhe roli i shtetit

Shteti nuk mund të sillet si spektator në një treg hidroka...

Sondazhi i OKB: Shqipëria, ndër 20 vendet më të korruptuara në botë

16 Mars 2018, 08:18, Aktualitet CNA

Një nga treguesit që shërbente për të matur indeksin e lumturisë ishte niveli i perceptuar i korrupsionit. Kompania ndërkombëtare e Sondazheve Gallup, anketoi rreth 1000 individë në rreth 150 vende të botës. Në treguesin e korrupsionit, perceptimi u mat përmes dy pyetjeve: ?A është korrupsioni i përhapur në qeveri apo jo?? dhe ?A është korrupsioni i përhapur tek bizneset??. Sa më i ulët indeksi, aq më i lartë është perceptimi për korrupsionin.

?Monitor? ka përpunuar të dhënat e hedhura online nga raporti botëror i lumturisë, i publikuar dy ditë më parë, ku rezulton se Shqipëria për perceptimin e korrupsionit merr një pikëzim prej 0.032, duke u renditur në vendin e 19 ndër shtetet, qytetarët e të cilëve mendojnë se janë të ?zhytura? në korrupsion.

Shtetet me perceptimin më të lartë të korrupsionit në botë janë Lihuania, Bulgaria, Ukraina. Nga vendet e rajonit, Kosova është më keq se ne, ndërsa edhe në shtetin fqinj, Italinë, perceptimi i qytetarëve për korrupsionin është shumë i lartë.

Vendet që qytetarët përkatës mendojnë se ka një nivel të ulët korrupsioni janë Singapori, Danimarka, Finlanda, Zelanda e Re, Suedia, Zvicra. Këto janë dhe shtetet që rezultuan dhe të parat në renditjen e indeksit të lumturisë.

Ndërsa Shqipëria, në raportin e vitit 2018, rezultoi më e palumtura në Europë dhe ndër 10 vendet në botë, që kishin shënuar përkeqësimin më të madh në tre vitet e fundit.

Treguesit në të cilët bazohet indeksi marrin për bazë të ardhurat për frymë, pritshmërinë për një jetë të shëndetshme, mbështetjen nga miqtë dhe të afërmit, të dhënat për bamirësi, liria për të bërë zgjedhje në jetë dhe nivelet e perceptuara të korrupsionit, tregues për të cilët shqiptarët duket se rezultojnë më të pakënaqurit në rajon dhe Europë.

Krahas korrupsionit, Shqipëria renditet keq edhe në treguesin e mbështetjes sociale (e 19-a nga fundi), ku individëve u është bërë pyetja: ?Nëse do të ishit në telashe, a keni të afërm apo miq se ku mund të mbështeteni që t?ju ndihmojnë kur keni nevojë??.

Vendi ynë paraqitet më mirë në treguesit e pritshmërisë për një jetë të shëndetshme në lindje (të matur nga të dhënat e Organizatës Botërore të Shëndetësisë) dhe të lirisë për të bërë zgjedhje në jetë, me pyetjen ?A jeni të kënaqur apo të pakënaqur me lirinë për të zgjedhur atë që doni të bëni në jetë??.

Në treguesin e të ardhurave për frymë, të matur sipas fuqisë blerëse, ku raporti ka përpunuar të dhënat e Bankës Botërore, Shqipëria është në vendin e 83 në botë, duke lënë pas në Europë vetëm Bosnjën (84) dhe Kosovën (91). Por, megjithëse më e varfër dhe me perceptim të lartë korrupsioni, në indeksin e lumturisë Kosova ishte e para në rajon, në vend të 66 (Shqipëria ishte në vend të 112, Bosnja është në vend të 93, Maqedonia në vend të 89, Mali i Zi në vend të 81, Serbia në vend të 78).