web counter
LEXO PA REKLAMA!

SHKARKO APP

App Store
Google Play

E fundit!

x

Të keqtrajtuarit e komunizmit/ 78-vjeçari nga Gostivari dërgoi 180 letra për...

15 Mars 2018, 19:39, Aktualitet CNA

Historiani Kastriot Dervishi, ka vijuar me publikimin e dokumenteve të kohës së komunizmit, me anë të të cilave tregon realitetin e aso kohe.

Me anë të një postimi në rrjetet sociale, Dervishi ka publikuar disa të dhëna për një 78-vjeçar nga Gostivari, i cili kishte shkruar 180 letra për riatdhesim.

Ai shprehet se, “Shqiptarët nga trojet shqiptare në Jugosllavi, të cilët emigruan për arsye politike në Shqipëri, u keqtrajtuan në mënyrën më të pabesueshme nga regjimi komunist i E.Hoxhës.”

Në vijim të postimit të tij, Dervishi shkruan: “Në kampet e Llakatundit, Semanit, si dhe në Shijak, ata kaluan në disa procese keqtrajtimesh e denigrimesh. Nga kjo sjellje, shumë prej tyre kërkuan të riatdhesohen në Jugosllavi sepse regjimi i E.Hoxhës po u rezultonte më i keq se ai i Titos. Mjafton të vëresh letrat e shumta që shqiptarët emigrantë dërgojnë drejt udhëheqjes komuniste për të kuptuar se në çfarë mizerje ishin futur ata. Një rast i rrallë që dëshmon dëshpërimin e tyre ishte ai i 78 vjeçarit Rexhep Ajet Tahirit, nga Toplica e Gostivarit, i cili i shkruan plot 180 letra Enver Hoxhës në mënyrë që ta lejojë të largohet nga kampi i Semanit e të riatdhesohet. Tahiri kishte ardhur në Shqipëri më 15.1.1949. Nga viti 1957 e deri në vitin 1961 kur shkruan letrat e fundit, ai jetonte në kampin e Semanit. Megjithëse shkroi 180 letra, Partia e Punës nuk ndryshoi qëndrim për sjelljen e saj, ndaj emigrantit nga Gostivari.” /CNA.al





Lajmet e fundit nga