web counter
LEXO PA REKLAMA!

SHKARKO APP

App Store
Google Play

E fundit!

x

Donatorët dhe korrupsioni në Fondin Shqiptar të Zhvillimit

15 Mars 2018, 14:49, Aktualitet CNA

Fondi Shqiptar i Zhvillimit është një nga institucionet që në katër vitet e shkuara ka administruar pjesën e ?luanit? në buxhetin e shtetit, për sa i përket investimeve, jo vetëm në infrastrukturë. Ky institucion së fundi është përfshirë nga akuza të forta për korrupsion.

CNA.al ka sjellë një tender, i cili është fituar me pothuajse 100% të vlerës së fondit limit, edhe pse ka pasë ofertues të tjerë me vlera më të ulëta.

FSHZH është e shumë akuzuar nga mediat shqiptare, si një institucion ku tenderat paravendosen, si një institucion i pushtuar keqazi dhe përdoret vetëm me vendim të kryeministrit Rama.

Akuzat për tendera të paravendosur dhe dhjetëra milion abuzime shpesh drejtohen te kryeministri, pasi në institucion, sa herë shpallen fituesit e ndonjë tenderi dhe ka përplasje të subjekteve në garë nga administrata lehtësisht dëgjon fjalën ?e ka vendosur shefi i madh?, e ka mbyllur ?KM-ja? vetë.

Në fakt, ose i ka mbyllë ?KM-ja? vetë, ose vetë drejtuesit e institucionit, vetë Benet Beci apo dikush tjetër dhe ndoshta ?KM-ja? përdoret si argument për të shpëtuar nga përplasjet dhe ankimimet e subjekteve që përjashtohen padrejtësisht nga gara.

Një fenomen që ndodh shpesh në mënyrë të përsëritur, pra justifikimi për vendosje nga ?KM-ja? apo i ?madhi? por që kalojnë në heshtje nga firmat, të cilat kërkojnë të mos përzihen në akuza dhe përplasje për shkak se i tremben një përjashtimi të mundshëm apo ndëshkimi në garat e mëtejshme.

Përtej akuzave dhe heshtjes së firmave qëndrojnë donatorët e huaj, të cilët kontribuojnë me fonde miliona euro për këtë institucion. Në fakt donatorët duken të heshtur, a thua se institucione prestigjoze ndërkombëtare nuk kanë informacion se çfarë ndodh në FSHZH.

Nuk mund të heshtin donatorët, kur zullumet bëhen me fondet e tyre, me apo pa miratimin e ?KM-së?, Benet Becit e kujtdo qoftë tjetër.

Ndoshta disa zyrtarë europianë mund të jenë të përlyer në skandalet e tenderave të FSHZH-së. Dikush bën një sy qorr e dikush bën një vesh shurdh, por FSHZH-ja vazhdon të ndiqet nga skandalet, si denoncimi i fundit në CNA.al, ku në garë skualifikohen 5 konkurentë që të ?fitojë? i paravendosuri./ CNA.al





Lajmet e fundit nga