web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për lobimin rus/ Balla nxjerr kontratën: Basha gënjeu, ja firma e tij

15 Mars 2018, 11:20, Politikë CNA

Në vijim të debateve në sallën e parlamentit, kreu i grupit parlamentar të PS, Taulant Balla ka nxjerrë sot kontratën e nënshkruar sipas tij nga Muzin Capital dhe PD për financim dhe lobim në SHBA.

Sipas Ballës, kreu i PD ka gënjyer kur ka deklaruar se nuk kishte dijeni për financimet, pasi Basha është firmëtar i kësaj kontrate.

Balla i ka kërkuar Bashës të japë llogari për 500 mijë dollarët e paguar për lobim. Ai ka përmendur ish-deputeten e PD-së Jozefina Topalli dhe deputetin aktual Arben Ristani.

?Ke firmosur ti në kontratë. Ja numri i pasaportës. Lulzim Basha dhe Muzin. Kontrata ndërmjet Muzin Capital partners dhe PD-së. Është detyrim ligjor të ishte e depozituar në KQZ. Ti i di të gjitha si ka mundësi që nuk di këtë. Edhe kjo historia droga-droga është pjesë e një skenari rus për të baltosur Shqipërinë, të jesh i sigurt. Ke njerëz brenda stafit tënd të ngushtë që kanë marrë kontakte me këta njerëz për të stabilizuar Shqipërinë.?- tha Balla.

Balla ka ironizuar Bashën, ndërsa u shpreh ?Ku i keni gjetur, se nëse keni të tjera mirë është tja çoni bashkisë së Kamzës të rrisin fondin e ndihmës ekonomike. Aq është, për një muaj bashkia Kamëz ja del të rrisë ndihmën ekonomike. Ku i ke gjetur këto 500 mijë dollarë tavarish Luli. Këtu kemi të bëjmë me një skandal tepër të rëndë kur së pari kemi burime të dyshimta që përfshijnë biznesmenë me shtetësi ruse, kompani of shorë. Si ja Jozefina s?kishte faj, ku e ke futur PD-në pa leje. Je bërë si zhelezhnovi dhe së treti pa deklarime sipas kodit zgjedhor.?

Gjithashtu Balla i bëri thirrje kreut të opozitës të mos fshihet pas Arben Ristanit.

?Lulzim mos u fshi as pas Arben Ristanit. Se nuk di çfarë ke bërë ti. Edhe ku e fute në listë e fute për ta heqë. Ç?të dijë Arben Ristani. Edhe këtë firmë nuk e ke hedhur në Shqipëri. Mbaro 2 minutëshin dhe shko në prokurori?, deklaroi Balla./ CNA.al





Lajmet e fundit nga