web counter
LEXO PA REKLAMA!

SHKARKO APP

App Store
Google Play

Patozi: PD nuk mund të aministojë krimet politike të Bashës

9 Mars 2018, 12:06, Aktualitet CNA

Kryesia e Partisë Demokratike vendosi të mbajë mbledhjen e Kuvendin Kombëtar në datat 28-29 prill. Ndërkaq  një grup pune do të mbledhë të gjitha propozimet për fuqizimin e partisë, ku në fokus janë ndryshimet statutore.

Ish-nënkryetari i PD-së, Astrit Patozi, në një intervistë për Report Tv, ka komentuar vendimet e PD-së.

Sipas Patozit, një problem i thellë politik që ka PD, është shmangia e debatit dhe shmangia e dorëheqjes nga Lulzim Basha.

Më tej Patozi ka komentuar  grupin e punës të propozuar nga Basha, ku përveç drejtuesve të PD  u propozuan  edhe dy përfaqësues nga grupi i kritikëve, Gent Malko dhe Arben Imami, por ky i fundit refuzoi pjesëmarrjen.

?Prania e z. Malko është një lloj përjashtimi që përforcon rregullin. Fakti që ai është i vetëm në mes administratës së PD, të Lulzim Bashës,  tregon se çfarë tendence ka ai për të shkuar në kongres?, është shprehur Patozi.

Ky i fundit vijon të këmbëngulë për një reformë të thellë në PD.

? PD shmangu debatin dhe mundësinë që të shkonte e bashkuar në Kongres. Propozim më të madh se platforma për ringritjen e PD nuk mund të ketë. Mjafton që bazamenti i saj të merret në konsideratë dhe të pranohet ne shkojmë drejt një zgjidhje që shkon përmes votës. PD nuk mund të amnistojë krimet politike të Bashës në këto pesë vite.  Nuk bëhet fjalë për krime penale, por kanë qenë krime të tilla që e kanë çuar PD, në një katastrofë elektorale dhe të pashpresë, në situatën ku PD ndodhet sot?, ka thënë Patozi.





Lajmet e fundit nga