web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni/ “Transparency International” ngre alarmin: Shqipëria zhytet...

22 Shkurt 2018, 12:51, Politikë CNA

Kryetari i partisë ?ZGJIDHJA?, Koço Kokëdhima në një postim në rrjetet sociale ka publikuar një raport të ?Transparency International? për korrupsionin, i cili e rendit Shqipërinë në vendin e 91 në botë nga 180 shtete, me një përkeqësim me 8 vende në raport me një vit më parë.

Kokëdhima thekson se qeveria e çoi vendin tonë në zonën e kuqe, të fundit në Europë.

Sipas tij, Korrupsioni ka hyrë në çdo qelizë dhe militantët partiakë, të punësuar në administratë, nuk të mbarojnë asnjë punë në rast se nuk u jep pjesën për veten dhe për shefin e partisë.

Postimi i plotë:

Korrupsioni, Shqipëria zhytet 8 shkallë

Transparency International në raportin e tij të fundit për korrupsionin, e rendit Shqipërinë në vendin e 91 në botë nga 180 shtete, me një përkeqësim me 8 vende në raport me një vit më parë, në krah me shtete të humbura që s?ua kemi dëgjuar kurrë emrin si Timori Lindor, Guajana etj. Qeveria e çoi vendin tonë në zonën e kuqe, të fundit në Europë.
Asnjë investitor i huaj nuk do të dojë të vijë në vendin ku ligjet nuk zbatohen, ku ryshfeti është forma e vetme për të fituar një tender, ku njohjet dhe interesat politike prevalojnë mbi aftësitë për të bërë biznes. Korrupsioni ka hyrë në çdo qelizë.

Militantët partiakë, të punësuar në administratë, nuk të mbarojnë asnjë punë në rast se nuk u jep pjesën për veten dhe për shefin e partisë. Korrupsioni në tatime e dogana mbetet alarmant. Kompani të mëdha nuk paguajnë taksat sepse i kanë krahët e ngrohtë dhe kjo bën që plani të mos realizohet, ndonëse bizneset dhe qytetarët janë ngarkuar me një barrë të lartë taksash. Trau në doganë vazhdon të ngrihet. Përfitimet shkojnë në pak duar, ndërkohë që Banka Botërore tregon se varfëria ka arritur në nivele alarmante. Rritja e korrupsionit, e varfërisë, përkeqësimi i ambientit për të bërë biznes, janë dështimi më i madh i kësaj qeverie, që nuk ka qenë e aftë për asgjë, përveçse për të mbushur xhepat e saj. Dhe askush nuk është ndëshkuar.
ZGJIDHJA është alternativa e vetme për për çlirimin e vendit nga kusarët dhe hajdutët e qeverive të majta e të djathta, nga mafia e partive, elita e korruptuar dhe sulltanati i kryetarëve të partive të vjetra, për të ringritur shtetin përmes reformave politike dhe garantimit të lirive politike, instalimit të lirisë së tregut dhe të lirive ekonomike, vendosjes së drejtësisë dhe shembjes së tiranisë së korrupsionit e të krimit, modernizimit dhe aftësimit të administratës me profesionistë, procedura, standarde dhe sisteme menaxhimi./ CNA.al





Lajmet e fundit nga