web counter
LEXO PA REKLAMA!

SHKARKO APP

App Store
Google Play

E fundit!

x

Rrëzimi i bustit të diktatorit dhe PD/ Patozi: Partia është në ditët më të këqija

21 Shkurt 2018, 19:41, Politikë CNA

Ish-nënkryetari i Partisë Demokratike, Astrit Patozi, është i ftuar në studion e televizionit, News 24, ku po flet për rënien e bustit të Enver Hoxhës, dhe Partinë Demokratike ndër vite.

Ai u shpreh se “20 shkurti mbetet datë e shënuar. Shënon rënien e regjimit. Regjimet bien kur bien simbolet. Ajo është një datë që na bën krenarë, dhe unë kam qenë një nga studentët grevistë. Por nuk më pëlqejnë të ndalem se më duket vetja si veteran”.

Më tej duke u përgjigjur sesi ka ndryshuar PD në këto 27 vite, Patozi u shpreh se PD-ja siç ka pasur ditët e saj të mira, ka pasur edhe ato të vështirat e saj. Për Patozin, PD sot është në ditët më të vështira të saj, e nëse nuk do të shërohet, atëherë situata do të agravojë.

“PD ka pasur një amplitudë të veten gjatë këtyre viteve. Ka pasur ditët e mira të saj, por edhe ato të vështira. PD sot është në ditën e vet më të keqe. E them me bindje, se ajo sot është në ditët e saj më të këqija. Nëse ajo nuk kurohet, atëherë situata do të përkeqësohet.”, – u shpreh Patozi. /CNA.al





Lajmet e fundit nga