web counter
LEXO PA REKLAMA!

SHKARKO APP

App Store
Google Play

Vidhnin karta krediti në internet/ Paditen 36 persona, arrestohet një shqiptar

12 Shkurt 2018, 18:10, Kronika CNA

Policia e Tiranës ka vënë në pranga një shtetas shqiptar, pasi ishte shpallur në kërkim nga SHBA-të.

I arrestuari  25 vjeçar, Aldo Ymeraj, ishte pjestar i organizatës kriminale ?Infraud?, e krijuar në 2010 nga një 34-vjeçar ukrainas, që synonte vjedhjen e kartave të kreditit nëpërmjet internetit.

Ymeraj ishte një ndër 36 personave ndaj të cilit është ngritur padi, pasi raportohet se kanë shkaktuar një dëm prej 530 milionë dollarë.

Njoftimi i plotë:

Kapet një shtetas i shpallur në kërkim ndërkombëtar nga SHBA, në fushën e krimeve kibernetike.

Kapja dhe arrestimi në kuadër të operacionit ndërkombëtar të iniciuar nga SHBA, në bashkëpunim me disa shtete, ndërmjet tyre edhe Shqipëria.

Kapet në Tiranë pjesëtari i organizatës kriminale në fushën e krimeve kibernetike “Infraud”

Gjatë një operacioni të zhvilluar mbrëmjen e sotme në Tiranë, nga Sektori Kundër Krimeve Kibernetike në Policinë e Shtetit në bashkëpunim me DVP Fier dhe Prokurorinë e Përgjithshme u kap dhe u arrestua shtetasi: A. Y, 25 vjeç, lindur dhe banues në Fier.

Ndaj shtetasit A.Y , ka një urdhër arresti nga SHBA, për vepra të ndryshme penale në fushën e krimit kibernetik, pjesëtar i një organizate kriminale që shiste të dhëna të vjedhura kartash krediti në thellësi të internetit, duke u shkaktuar konsumatorëve një humbje prej 530 milionë dollarësh.

Nga 36 personat ndaj të cilëve u ngrit padi, 13 janë arrestuar në Shtetet e Bashkuara, Australi, Britani, Francë, Itali, Kosovë dhe Serbi.

Grupi i quajtur Infraud, ishte krijuar në vitin 2010 nga Svyatoslav Bondarenko, një 34 vjeçar ukrainas dhe përdorte një forum në internet për të blerë dhe shitur karta krediti dhe llogari bankare të vjedhura, numra të sigurimeve shoqërore dhe informacione të tjera personale. /CNA.al

 

 

 

 

 

 





Lajmet e fundit nga