web counter
LEXO PA REKLAMA!

SHKARKO APP

App Store
Google Play

Çështja e emrit me Maqedoninë/ Kryebashkiaku i Athinës e vlerëson si katastrofë referendumin

25 Janar 2018, 15:49, Aktualitet CNA

Prefekti i Athinës, Jorgos Kaminis, vlerëson se mbajtja e referendumit në Greqi për kontestin e emrit do të ishte gabim katastrofal. Në vend të referendumit ai i ka thënë radios greke ?Tema? se nevojitet konsensus i gjerë politik dhe nacional.

Sipas Kamenis, zgjidhja e kontestit me Shkupin duhet të jetë gjithpërfshirës dhe jo të fokusohet vetëm në emrin. Ai po ashtu, ka thënë se nuk e mbështet protestën e paralajmëruar në kryeqytetin grek më 4 shkurt, megjithatë do të japë leje që ajo të mbahet.

?Udhëheqësia përgjegjëse politike duhet të sjell vendime institucionale dhe të udhëheqë popullin. Qeveria duhet të ndërmerr iniciativa për krijimin e koncensusit nacional për çështjen që e mundon vendin tash më 25 vite. Problemi i ka kushtuar shumë shtrenjtë Greqisë në politikën e jashtme, posaçërisht në Ballkan dhe Evropë. Për këtë arsye gjërat duhet të qetësohen?, ka artikuluar në ligjëratë të drejtë Jorgos Kaminis, prefekt i Athinës.

Nga ana tjetër, zëvendësministri i Jashtëm grek, Jorgos Katrugalos, ka thënë para deputetëve të Kuvendit të Greqisë se qeveria aktuale e vendit të tij, do të kërkojë zgjidhje për kontestin e emrit pavarësisht të çmimit politik, nëse për këtë ka gatishmëri edhe tek pala tjetër. Ai ka theksuar se negociatat po zhvillohen në dy mënyra, me ndërmjetësimin e Kombeve të Bashkuara por, edhe përmes dialogut intensiv mes qeverive në Athinë dhe Shkup, ku përfshihet edhe takimi i sotëm i nivelit më të lartë mes dy kryeministrave në Davos.

Ndërkohë, presidenti i Qipros, Nikos Anastasijadis, duke folur për çështjen e emrit në një intervistë, ka thënë se nëse largohen idetë dhe tendencat irredentiste në kushtetutën e Shkupit, atëherë emri nuk është aspak i rëndësishëm.  /Shenja/





15:00 Aktualitet

Netët e Rita Orës!

Këngëtarja me origjinë shqiptare vijon të jetë e përditshme ...

Lajmet e fundit nga