web counter
LEXO PA REKLAMA!

SHKARKO APP

App Store
Google Play

E fundit!

x

Prezantohet Drejtori i Përmbarimit Shtetëror/ Lutaj: Kemi shumë punë për të bërë

15 Janar 2018, 14:59, Aktualitet CNA

Drejtori i Përgjithshëm i Përmbarimit Shtetëror është prezantuar ditën e sotme nga ministrja e Drejtësisë, Etilda Gjonaj.

Ministrja ka bërë më dije se në krye të këtij institucioni do të jetë Piro Lutaj, ish-deputet i Partisë Socialiste, dhe ish-anëtar i Komisionit parlamentar të Sigurisë.

Ministrja Gjonaj teksa vlerësoi Drejtorin e ri të Përmbarimit Shtetëror u shpreh se nën drejtimin e Lutajt performanca e Përmbarimit do të ndryshojë.

?Eksperienca profesionale e z.Lutaj, e bën atë të jetë sa më afër problematikave të Përmbarimit Shtetëror. Presim që nën drejtimin e Lutajt, do të ndryshojë performanca e deritanishme e Përmbarimit Shtetëror. Zoti Lutaj ka mbështetjen time maksimale dhe të kryeministrit Rama?, u shpreh ministrja e Drejtësisë.

Teksa ka shprehur falenderime për vlerësimin dhe besimin që i është dhënë, Piro Lutaj tha se ?Kemi shumë punë për të bërë?.

?Kërkoj bashkëpunimin e stafit dhe reflektim të menjëhershëm për reformimin e Përmbarimit?, u shpreh Lutaj.

Piro Lutaj ka qenë një nga deputetët e qarkut të Fierit deri në vitin 2017. Lutaj nuk u zgjodh më nga Edi Rama për të përfaqësuar PS-në në zgjedhje, por ishte një nga të larguarit që nuk kontestoi këtë veprim.

Ish-deputeti socialist nuk ka bërë asnjë reagim për mosvendosjen e emerit të tij në listë, por sot ai do të mbajë një post të ri në qeverinë ?Rama 2?. /CNA.al





Lajmet e fundit nga