web counter
LEXO PA REKLAMA!

SHKARKO APP

App Store
Google Play

E fundit!

x

CityNews Albania paralajmëroi skandalin me Gjendjen Civile

15 Janar 2018, 15:05, Aktualitet CNA

Që në fillim të këtij viti (CNA) CityNews Albania ka paralajmëruar skandalin, se shqiptarët rrezikojnë të mbeten pa pasaporta, karta identiteti apo edhe certifikata.

Kur kanë kaluar 13 ditë nga lëshimi i alarmit nga CNA, organet kompetente nuk kanë marrë asnjë masë.

Për pasojë mëngjesin e sotëm i gjithë sistemi i  Gjendjes Civile në tërë Shqipërinë, ka rënë në kolaps.

Qytetarët nuk kanë mundur të bëjnë tërheqjen e asnjë dokumenti dhe as të regjistrojnë të lindurit apo të çregjistrojnë personat që kanë vdekur.

CNA ka mësuar se kjo situatë kaosi është shkaktuar, për arsye se kompania që kryente mirëmbajtjen e sistemit i ka përfunduar kontrata prej gati dy muajsh dhe ndërkohë po zhvillohen procedura të reja.

Që  nga shtatori 2017 institucioni ka shpallur një tender për pajisjen që prodhon dokumentet identifikimi, por tenderi ende nuk ka përfunduar dhe nuk ka as një klauzolë si periudhë tranzitore.

Firma që kryente shërbimin e ka përfunduar kontratën e saj, ndërkohë procedurat vazhdojnë dhe sistemi është lënë në mëshirën e fatit.

Dhe ashtu siç paralajmëroi CNA me 2 janar 2018, kur  sistemi nuk mirëmbahet dhe për rrjedhojë nuk funksionon, askush nuk mund të aplikojë për pasaporta, karta identiteti, certifikata, apo të kryejë regjistrime apo çregjistrime.

Nuk dihet se sa do të zgjasë kjo situatë, por një gjë mund të thuhet me siguri se këtë këtë radhë nuk është BE që bllokon lëvizjen, por Ministria e Brendshme dhe strukturat në varësi të saj./CNA.al

Ekskluzive ? SKANDALI/ Shqiptarët rrezikojnë të ngelen pa pasaporta





Lajmet e fundit nga