LEXO PA REKLAMA!

SHKARKO APP

Sekuestrohen armë dhe municione/ Në pranga një person

8 Nëntor 2017, 13:53, Aktualitet CNA

Policia e Tiranës bën të ditur se në kuadër të operacionit të koduar “Tagan” është arrestuar në flagrancë një shtetas si dhe janë sekuestruar dy armë luftarake dhe municion, konkretisht: një automatik model 56, një pushkë model 56, 3 armë të ftohta (thika), 755 copë fishekë si dhe dy krehëra.

Sipas uniformave blu të Tiranës, I arrestuari është shtetasi me inicialet E.M, 45 vjeç, në fshatin Tagan Petrelë.

Policia thotë se gjatë kontrollit fizik, 45-vjecarit ju gjetën dhe sekuestruan një pushkë model 56, një automatik model 56, 2 krehëra fishekësh dhe 150 copë fishek model 56, për të cilat kishte qëllim kalimin në shtetin grek.

Gjithashtu nga kontrolli i banesës, ju gjetën dhe sekuestruan në cilësinë e provës materiale 480 copë fishek model 56, 125 copë fishek të tjerë dhe 3 thika.

Materialet iu referuan Prokurorisë së Rrethit Gjyqësor Tiranë, për vepren penale “Prodhim dhe mbajtja pa leje e armëve luftarake dhe municionit” dhe ” Prodhim, mbajtja, blerja apo shitja pa leje e armëve të ftohta”, parashikuar në Nenet 278 dhe 279 të Kodit Penal./ CityNews

Lajmet e fundit nga