LEXO PA REKLAMA!

SHKARKO APP

E fundit!

x

Skandali i CEZ/ Balla akuzon prokurorinë: Po mbron politikanët e korruptuar

8 Nëntor 2017, 13:18, Aktualitet CNA

Në një deklaratë për mediat, sekretari i përgjithshëm i Partisë Socialiste, Taulant Balla e rikthen edhe njëherë në vëmendje cështjen CEZ që sipas tij po mbyllet.

Ndërsa e vë gishtin tek prokurorët, ai kërkon të hetohen të gjithë personat që kanë lidhje me atë që e quan skandalin më të madh në 27 vjet.

Sipas Ballës, përpara se të kërkonte mbylljen e kësaj çështje, prokuroria minimalisht duhej të kishte kërkuar që të dëshmonin anëtarët e komisionit hetimor.

Balla tha se edhe ai vetë, si kryetar i atij komisioni, priste që të thirrej nga prokuroria për të dëshmuar për ato që ai di në lidhje me këtë çështje.

?Si ka mundësi që prokuroria mendon se mund të mbyllet një aferë e tillë korruptive pa bërë asnjë hetim??- u shpreh Balla.

Sipas Ballës, ky është një akt tepër i rëndë dhe ai akuzon prokurorinë se sipas tij po sillet me drejtësinë si me një çështje pazari.

?Kush janë këta prokurorë që paskan të drejtë të falin dhe pa hetuar aspak autorët e këtij skandali. Ne kërkuam hetim, Kuvendi ka vendosur që këta persona të hetohen një për një. Prokuroria dashurinë për këta persona ta mbajnë, por aty janë për të bërë detyrën dhe jo militantë politikë??- deklaroi Balla.

Gjithashtu Balla, duke ju referuar çështjes së Saimir Tahirit, u shpreh se ?për prokurorinë biseda e dy kriminelëve vleka më shumë se një raport i plotë hetimor i një komisioni parlamentar?./ CityNews

Lajmet e fundit nga