E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fillimi i vitit të ri akademik / Ligji i Ramës dhe i ndrikull Nikollës, lë pa shkollë mijëra të rinj

16 Tetor 2017, 17:31, Aktualitet CNA

Ish-kryeministri Sali Berisha, me anë të një komenti në rrejtet sociale, ka komentuar fillimin e vitit të ri akademik, ndërsa sulmon qeverinë përReformën në Arsim.

Sipas Berishës, studentët po përballen në ditën e parë të tyre të universitet me tarifa 3 herë më të larta se ato të vitit 2013, kohë kur në qeveri ishte e djathta.

“Sot universitetet hapen dyert, por me tarifa 3 here me te larta se ne 2013 dhe 20 mije pranime me pak!
Por pervec ketij urimi, shpreh dhe keqardhjen per te gjithe ata mijra studente, rreth 20 mije krahasuar me vitin 2013, te cileve qeveria, me ligjin e arsimit te larte, ligjin klientelist, iu mbylli dyert e fakulteteve te vendit. Sikunder denoncoj faktin e rritjes me tre here te tarifave te regjistrimit te studenteve ne universitetet krahasuar me vitin 2013!“, – shkruan Berisha, teksa u uron studentëve një vit të suksesshëm.

Sipas ish-kryeministrit, ligji i arsimit të lartë është një dizastër dhe i mbyll dyert shtresës së varfër të shoqërisë.

“Ligji i arsimit të lartë i Edvin Kristaq Ramës dhe ndrikullës ministre e Arsimit, Lindita Nikolla tregoi qartë se është një disastër. Ky ligj okult dhe klientelist në shpërbim të universiteteve te klienteles private, mbylli dyert e universiteteve publike per te varferit e vendit tone dhe trefishoi shpenzimet e familjeve shqiptare per studimet e femijeve te tyre ne universitete.”, – shprehet ish-kryeministri, teksa thekson se vendi ynë ka tarifat më të larta në rajonin Europian.

Në përmbyllje të komentit të tij, Berisha shprehet se: “Me mijëra të rinj shqiptar që nuk ndjekin dot studimet ne vendin e tyre po braktisin Shqiperine, si vend ne te cilin vdiq endrra e tyre universitare!” /CityNews