web counter
LEXO PA REKLAMA!

SHKARKO APP

App Store
Google Play

Qeveria përmbush amanetin/ Albanologu i njohur do të prehet në Shqipëri

16 Tetor 2017, 16:01, Aktualitet CNA

Qeveria shqiptare ka përmbushur amanetin e albanologut kanades Robert Elsie, i cili u nda nga jeta pak javë më parë, për tu prehur në Shqipëri .

Sipas burimeve zyrtare të kryeministrisë, trupit të pajetë të studiuesit të ndjerë do ti bëhen nderimet e fundit në datën 17 tetor 2017 kur trupi i tij do të qëndrojë në mjediset e Bibliotekës Kombëtare për homazhe, nga ora 14:00 deri më 16:00. Më pas ceremonia e përcjelljes për në qytetin e Shkodrës do të zhvillohet në Bibliotekën Kombëtare në ora 16:00.

Kujtojmë se Robert Elsie u lind në Vankuvër të Kanadasë më 29 qershor 1950. Ai ndoqi Universitetin e Kolumbisë Britanike (University of British Columbia), ku studioi për filologjinë klasike dhe gjuhësinë dhe u diplomua më 1972. Po në atë vit, erdhi në Evropë me një bursë studimesh. Robert Elsie vazhdoi studimet e larta në Universitetin e Lirë të Berlinit Perëndimor (Freie Universität Berlin), pastaj në Shkollën Praktike të Studimeve të Larta (Ecole Pratique des Hautes Etudes) në Paris, në Institutin e Dublinit për Studime të Larta (Dublin Institute for Advanced Studies) në Irlandë, dhe në Universitetin e Bonit (Universität Bonn), ku mbrojti doktoraturën për gjuhësi krahasimtare dhe keltologji më 1978./CityNews





Lajmet e fundit nga