web counter
LEXO PA REKLAMA!

SHKARKO APP

Lumi Osum kthehet në kanal ujërash të zeza/ Bashkia thellon skandalin

16 Tetor 2017, 15:02, Aktualitet CNA

Lumi Osum në Berat është në kushte skandaloze, kjo për shkak se lumi është kthyer në kanal për ujërat e zeza dhe për derdhjen e mbeturinave, nga një biznes i cili merret me përpunimin e lëkurave.

Ajo që dihet është se aktiviteti i një fabrike përpunimi lëkurash, që ndodhet në dalje të qytetit, e ka kthyer në pronën e saj duke shkaktuar ndotje tepër të lartë, para të cilës instancat vendore nuk reagojnë, me arsyetimin se është pajisur me leje mjedisore.

Kjo situatë është kthyer në shqetësuese për shkak të mos vënies në punë të filtrave mbrojtëse gjatë orëve të punës që në fundjavë duket se është më e madhe duke shkaktuar ndotje tepër të lartë në ujërat e lumit, ku shkumëzojnë mbetjet dhe në mjedis përhapet erë tepër e rëndë.

Banorët bëjnë të ditur se bashkia nuk ka reaguar asnjëherë për këtë situatë dhe zyra mjedisore në Berat nuk bën asnjë lloj monitorimi për të parë nivelin e ndotjes që po i bëhet lumit Osum. /CityNews





Lajmet e fundit nga