Maratona e Tiranës/ Ja rrugët ku do të ndalohet qarkullimi

10 Tetor 2017, 12:16, Aktualitet CNA

Ditën e dielë në kryeqytet do të zhvillohet Maratona e Tiranës, në të cilën do të marrin pjesë mbi 2500 vrapues nga 40 shtete të botës.

Policia Bashkiake në bashkëpunim me Policinë e Shtetit ka hartuar një plan masash për organizimin e lëvizjes së automjeteve pasi maratona do të përshkojë disa nga pikat më kryesore të qytetit.

Bashkia e Tiranës informon qytetarët se kufizimi i qarkullimit të automjeteve në segmentet ku do të zhvillohet Maratona e Tiranës, do të fillojë në datën 13 Tetor deri në 15 Tetor 2017, nga ora 00:00 të datës 13 Tetor deri në orën 14:00 të datës 15 Tetor.

Bashkia e Tiranës kërkon mirëkuptimin e qytetarëve për ndalimin e parkimit më datë 15 tetor, në rrugët: Bulevardi Zogu, Bulevardi Dëshmorët e Kombit, Rruga ?Ibrahim Rrugova?, Segmenti i Rrugës ?Ibrahim Rrugova? deri te Sheshi ?Nënë Tereza?, Rruga e Kavajës në segmentin Qendër-Poliklinika 9, Rruga ?Abdi Toptani?, Rruga ?George Ë.Bush?, segmenti nga kryeqëzimi i Rrugës ?Abdi Toptani? me kryqëzimin e Rrugës ?Lekë Dukagjini?.

Kufizimi i qarkullimit (dhe i parkimit) të automjeteve do të bëhet si më poshtë:

1- Ndalohet qarkullimi në sheshin ?Nënë Tereza? nga ora 00:00 e datës 13 Tetor 2017, deri në datën 14 Tetor.

2- Ndalohet qarkullimi në Bulevardin ?Dëshmorët e Kombit?, Rr. ?Lek Dukagjini? dhe sheshin ?Nënë Tereza? në datën 14 Tetor 2017, nga ora 08:00 deri në orën 12:30.

3- Ndalohet qarkullimi në segmentet rrugore ?Lek Dukagjini?, ?Ibrahim Rugova?, ?Rruga e Kavajës?, deri tek rrethrrotullimi përballë ?Kishës Orthodokse?, ?Ded Gjo Luli?, Bulevardi ?Zogu I?, ?Urani Pano?, ?Rruga e Barrikadave?, ?George Ë Bush?, ?Abdi Toptani? dhe Bulevardi ?Dëshmorët e Kombit? në datën 15 Tetor 2017, nga ora 05:00 deri në orën 14:00.

4- Itinerari i lëvizjes së mjeteve të transportit publik do të devijojë si më poshtë:

Për ta kthyer këtë garë sportive në një ditë feste, Bashkia e Tiranës fton gjithë qytetarët e Tiranës që nuk garojnë, të dalin në datë 15 Tetor dhe të mbështesin sportistët pjesëmarrës. Ndërkohë që, të gjithë ata që tashmë janë regjistruar, bip-in mund ta tërheqin në datat 13 dhe 14 Tetor nga ora 09:00-20:00 te Sheshi Nene Tereza.

Gjysmë Maratona e Tiranës zhvillohet në 3 kategori: 21 km; 10 km dhe ?We too?, gara për persona me aftësi ndryshe.