web counter
LEXO PA REKLAMA!

SHKARKO APP

App Store
Google Play

E fundit!

x

Nga Agim XHAFKA/Për debatin Rama-Musabelliu dhe minjtë e vegjël, që po brrejnë buxhetin

7 Tetor 2017, 19:18, Aktualitet CNA

Klajdi Musabelliu nuk më njeh, por unë e pëlqej si këngëtar. Jo më shumë per zërin e veçantë, por për stilin. Më tërheq dhe më emocionon çdo këngë e tij. Sigurisht ai nuk është ajka e këngës shqiptare, por dallohet që nuk është dhe nga fundi. Shkurt,për mua ka vlerë. Ndaj mora mundimin të hyj në mes të debatit mes tij dhe kryeministrit Edi Rama. Ky i fundit tha një gënjeshtër të madhe për mua se Klajdi është këngëtar i dështuar. Dhe e tha atë çast kur më trangullin ndër shqiptarë,Taulant Ballën vetë lartgjatësiani e emëroi sekretar të përgjithshëm të një partie në qeverisje. Kaq bëri që t?i zhvlerësoja fjalët që volli për Klajdin.

Por më pas mësova se këngëtari Musabelliu punoka vërtet në një agjenci shtetërore që merret me burimet natyrore të vendit. E këtu nuk u ndjeva mirë. Se kam mësuar këto ditë që plot këngëtarë e artistë e gazetarë janë futur në borderotë e ca zyrave si specialistë të mjedisit,gjeologjisë,ndertimit,transportit,patentave,cilësisë së mineraleve e kaja nënën më mirë.

Një turp kombëtar se këto talente njihen për art e rrogat i marrkan për inxhiniera e për studiues të çdo fushe.

O minj të vegjël, që po brreni buxhetin,që doni të ushqeheni nga taksat e njerëzve të cilët po marrin malet nga që nuk po ushqejnë dot fëmijët e tyre, shkoni e këndoni, bëni shfaqje, merrni pjesë në dasma se atë zanat e bëni mirë e do grumbulloni ca pare.

Mos u ngjitni pas partive si muti pas këpucës se po bëni beli që jeni zhvatës e do u përbuzë populli që u duartroket.

Lerini ato zyra për të rinjtë e mençur të vendit,mos u zini tavolinat se juve nuk ua pret në ato fusha. Artistë,silluni si artistë,bujarë e jo hajdutër të buxhetit. Dasmat e koncertet nisën. Vjeshta është e mbarsur me to. Nisuni…





Lajmet e fundit nga