E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Profili i një grosisti, i heshturi që trafikoi 2 milionë € në 8 muaj

5 Tetor 2017, 19:29, Aktualitet CNA

Një shqiptar është arrestuar për trafik droge nga karabinierët e Legnano-s në Itali.

Në pranga është vënë Dorian Daja, me banim në komunën (Canegrate) Milano, që përshkruhet nga mediat lokale si një tip i heshtur, i rezervuar dhe i sjellshëm, e për këtë nuk ka shfaqur asnjëherë dyshime në komunitetin ku jetonte për aktivitetin kriminale.

Arrestimi i Dajës vjen në një moment që aktiviteti i shqiptarit bëhet ?shumë i madh?.

2 familje shqiptare

Hetimet e karabinierëve të Legnano-s, që kanë zgjatur 8 muaj, kanë çuar në arrestimin e anëtarëve nga dy familje shqiptare, që i kishin ndarë detyrat duke bashkëpunuar në një trafik të madh kokainë, raportojnë mediat italiane, pa dhënë detaje lidhur me anëtarët e dy familjeve të sipërpërmendura. Operacioni është kryer në komunat: Cerro Maggiore, San Vittore Olona, Legnano, Canegrate e Villa Cortese, disa ditë më parë, duke çuar në arrestimin e 10 personave.

Një nga familjet furnizonte me drogë tjetrën. Një nga vendet ku bëhej kryesisht shkëmbimi i drogës ishte bari ?Cicala? në Canegrate, larg syve të klientëve. Efektivët kanë arritur që të identifikojnë një trafik droge që ka sjellë më shumë se 2 milionë euro të ardhura.

Grosisti

Figurë thelbësore, në gjithë këtë rrjet trafiku ishte 37-vjeçari shqiptar Dorian Daja. Ai banonte prej kohësh në rrugën ?Belluno? në Canegrate, në një pallat ku jetonin edhe familje të tjera. Askush nuk e njihte mirë, apo kishte një ide të paqartë se si i kalonte ditët.

Por ishte pikërisht Daja, grosisti i trafikut prej 2 milionë eurosh, i shkatërruar nga karabinierët e Legnano-s muajin e shkuar. Qindra klientë, lëvizje mes Villa Cortese e San Vittore Olona, një biznes që menaxhohej thuajse i vetëm nga Daja, që bënte çdo ditë furnizimin e personave të tjerë të arrestuar.

Dorian Dajës iu gjet një bllok me shënime. Ai kishte shënuar lëvizjet e drogës që kishte bërë për 8 muaj, që sipas efektivëve kishin gjeneruar 2.374.000 euro.

Fqinjët: Nuk dimë asgjë

Pavarësisht nga aktiviteti kriminal, për banorët e pallatit ku jetonte, Daja ishte një ?i padukshëm?. Një rezidente shprehet: ?Shihej si në këmbë, ashtu dhe në makinë, por këtu kurrë?.

I njëjta situatë edhe për banorët e tjerë të pallatit, të cilët nuk kanë parë apo dëgjuar asgjë rreth aktivitetit kriminal të shqiptarit.

Vetëm një burrë jep detaje interesante: ?Makina gri e parkuar para banesës së tij është e tija, di që banonte aty prej kohësh dhe jetonte bashkë me një tjetër familje, që banonte në pallat. Por, nuk kishte asgjë të dyshimtë?./Syri