web counter
LEXO PA REKLAMA!

SHKARKO APP

App Store
Google Play

E fundit!

x

“Brusko”, telenovela që nga sot do t’ju mbërthejë para ekranit të In Tv-së

2 Tetor 2017, 08:59, Aktualitet CNA

Sekrete, intriga, pasione, hakmarrje deri në gjakmarrje që shkaktohen nga pasionet e xhelozitë e mëdha, nga pushteti i parasë apo dhe misteret në biznes, tirren nëpër seritë e një telenovele greke që do të nisë të shfaqet sot në ekranin e IN TV-së. Historitë e ?Brusko?-s që tashmë kanë marrë dhenë anekënd botës, në afro 40 vende, jo vetëm në Evropë, në Ukrainë, Estoni, Slloveni por edhe në kufijtë e përtejmë, në Lindjen e Mesme, në Azi, në Amerikën Latine, Izrael, Arabinë Saudite, Emiratet e Bashkuara, Argjentinë, Kolumbi, Peru, Meksikë, Venezuelë, Panama, Kili…kanë mbërritur edhe në Shqipëri, me garancinë e një suksesi të padiskutueshëm.

Eshtë një trekëndësh i rrezikshëm në qendër të kësaj telenovele: Akili- Melina- Sifis (interpretuar nga aktorët e famshëm grek, Andreas Georgiou, Eleni Vaitsou dhe Apostolis Totsikas) përfshin në vorbull shumë histori që të lënë pafrymë.

Ajo është nga Kreta, ai nga Qipro. I puqi krah njëri-tjetrit një çast fatal, për të ndezur, me atë çka bota mund ta quaj mëkat, dashurinë më të madhe, atë që as gjakmarrjet s?mund ta shuajnë dot.

Ajo do të martohej. Do të martohej edhe ai, por si për mbrapshti apo mbarësi të fatit,  ata u njohën pikërisht një natë para martesave, në festat përkatëse të beqarisë, organizuar në një prej klubeve të Athinës.

Pikërisht ajo do të ishte nata që do t?ua shembte që të dyve, dashuritë që kishin besuar se i kishin deri në atë moment.

Ndoqën megjithatë fatet që i prisnin. Ajo u martua. U martua edhe ai. Jeta e tyre nisi të rridhte në rutinën e mërzitshme, derisa një ditë, një tjetër çast fatal i puqi sërish, si për ta vulosur për fare në ishte bekimin apo mallkim e gjithë ajo dashuri!? A do të prishen martesat? A do të përmbysen fatet nga tradhtitë?

Kjo është një prej dilemave, një prej dramave që kërkon zgjidhje në telenovelën më të suksesshme, të viteve të fundit, prodhuar në Greqi, në 2013-ën, me autorësi të Vana Dimitriou.

Sekreti i Melinës dhe Akilit është vetëm maja e ajsbergut. Konfliktet janë shumë më të thella e më të hershme mes familjeve të dy burrave të jetës së saj.

Misteri është gati për t?u zbuluar edhe në Shqipëri, përmes ekranit të In TV, çdo ditë, nga e hëna në të premte, duke nisur nga sot në orën 20.00./ CityNews





Lajmet e fundit nga