web counter
LEXO PA REKLAMA!

SHKARKO APP

App Store
Google Play

Greqi/ Sekuestrohet 100 kg kanabis, në pranga dy shqiptarë

22 Shtator 2017, 10:30, Aktualitet CNA

Më shumë se 100 kg kanabis i importuar nga Shqipëria është sekuestruar nga shërbimi i antidrogës në Janinë. Mësohet se gjatë këtij operacioni janë vënë nën pranga katër persona, dy shqiptarë, një grek dhe një shtetase gjeorgjiane.

Bëhet e ditur se operacioni i parë është zhvilluar në vendin e quajtur Terovo, në autostradën ?Joniane?. Aty u ndalua për kontroll një automjet që drejtohej nga një shtetas shqiptar, 41 vjeç.

Në portbagazhin e makinës u gjetën 3 çanta udhëtimi me 51 kg kanabis, të ambalazhuar në 14 paketa.Policia arrestoi drejtuesin e mjetit si dhe bashkëudhëtarin e tij, me moshë 36 vjeç.

Në operacionin tjetër, u arrestua një shtetas grek me moshë 47 vjeç dhe një 31 vjeçare, shtetase gjeorgjiane.Makina e tyre po lëvizte në hyrje të Janinës, në rrugën që vjen nga kufiri me Shqipërinë. Drejtuesi i mjetit nuk iu përgjigj sinjalit të policisë për të ndaluar, por rriti shpejtësinë dhe bëri manovra të rrezikshme për t?iu shmangur ndjekjes.

Përfundimisht ata ndaluan në rrugën Janinë-Kozani, afër liqenit të Janinës. Me ndihmën e qenit të zbulimit të drogës, policia gjeti një sasi kanabisi prej 52,3 kilogramë, që ata e kishin fshehur në një zonë me shkurre pranë vendit të arrestimit.

Ashtu si dhe dy shtetasit shqiptarë, edhe këta u dërguan në prokurori, të akuzuar për transport, posedim dhe trafik droge./ CityNews





Lajmet e fundit nga