LEXO PA REKLAMA!

SHKARKO APP

Thellohet skandali/Byzylykët nuk u vendosen të burgosurve

9 Gusht 2017, 10:05, Aktualitet CNA

Byzylykët e të burgosuesve dhe mungesa e tyre janë kthyer prej pak ditësh në skandal të ministrisë së Drejtësisë, të denoncuar nga vetë ministri teknik, Gazmend Bardhi.

Siç është përfolur në media, konkretisht ministri i Drejtësisë ka denoncuar publikisht kompaninë që merret me prodhimin e byzylykëve elektrikë për mossjelljen e tyre.

Gjithçka ndodhte në këtë mes, konsiderohej skandal deri më sot, ku kompania i riktheu byzylykët dhe u deklarua se çdo po i kthehej normalitetit.

Në gjithë këtë tymnajë të krijuar ekziston një skandal edhe më i thellë për të cilën s?ka folur askush.

CityNews ka mësuar nga burime të sigurta se këto byzylykë nuk u vendosën të gjithë të burgosurve nën arrest shtëpie. Vendosja e tyre bëhet në mënyrë preferenciale dhe krejtësisht të veçuar, ndonëse është e detyrueshme me ligj që çdo të burgosuri nën arrest shtëpie t?i vendosen byzylykët elektronikë.

Të njëjtat burime theksojnë ndër të tjera se e gjithë kjo ?tymnajë? e krijuar është thjesht diçka boshe, mes së cilës kërkohet të mbulohet pikërisht ky skandal.

Mosvënia e byzylykëve elektronikë tek çdo i burgosur nën arrest shtëpie, i bën ata të barabartë me të gjithë njerëzit, të padallueshëm nga ata, por sjell edhe rrezik, pasi njerëz me precedentë penalë shëtisin të lirë dhe kjo për dy arsye siç shtojnë burime të CityNews.

Së pari siç e përmendëm pak më sipër ka të bëjë me përzgjedhjen selektive dhe të veçuar, selektim ky që vjen ose nga një miqësi e ngushtë, ose nga një njohje, apo edhe me një sasi të caktuar parash.

Si arsye e dytë shton më tej burimi për CityNews është mungesa e stafit në Drejtorinë e Shërbimit të Provës. Përcaktimi dhe kontrolli u byzylykëve elektronikë siç është parashikuar me ligj kërkon si domosdoshmëri zgjerimin e stafit, moszgjerimi i tij, e çon në neglizhencë përdorimin e këtyre byzylykëve.

Sigurisht që mungesa e byzylykëve është skandal dhe rikthimi i tyre nga kompania është një proces që duhet bërë me patjetër, por kurrsesi nuk duhet mbuluar pikërisht mospërdorimi i tyre, gjë që vërtetohet jo vetëm me largimin e 1 apo 2 të dënuarve, por shumë të tillëve të paidentifikueshëm./CityNews

Lajmet e fundit nga