web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtarët, politikanët dhe bosët e krimit nxjerrin jashtë vendit pasuritë e pista

3 Gusht 2017, 18:25, Aktualitet CNA

Gjyqtarët, prokurorët, politikanët, por dhe bosët e krimit kanë filluar të marrin masa para zbatimit të reformës në drejtësi, që do të kalojë në brisk të gjitha pasuritë e dyshuara. Lajmin e ka publikuar gazeta ?Sot?, duke ju referuar si burim të dhenave të Drejtorisë së Përgjithshme të Parandalimit të Pastrimit të Parave.

Pak ditë më parë, kryeministri Edi Rama mblodhi njësinë task forcë kundër kanabisit, ku paralajmëroi se në shtator do nisë një operacion shumë i madh kundër kapove të krimit dhe do ketë sekuestrim pasurie. Në këtë takim kreu i DPPPP, ka zbardhur të dhënat e deklaruara dhe shqetësimin se ka pasur rritje të ndejshme të pastrimit të parave, vijon ?Sot?.

Ndërkohë, referuar të dhenave të DPPPP, mësohet se është rritur ndjeshëm numri i raporteve të aktivitetit të dyshimtë. Në Prokurori e Polici janë referuar njëqind e shtatëdhjetë e tetë raste të dyshimta për pastrim parash, nga të cilat për tridhjetë e një raste, me vlerë totale 3.8 mln euro, është nxjerrë urdhër bllokimi i transaksioneve në gjashtëmujorin e këtij viti. Nëntëdhjetë e një përqind e rasteve të referuara kanë indicie. Sipas burimeve nga DPPPP rezulton se të përfshirë në pastrim parash janë kryesisht njerëz të botës së krimit, por edhe gjyqtarë, prokurorë dhe zyrtarë të niveleve të larta, për të cilët Drejtori i DPPPP ka deklaruar se kanë nisur hetimet verifikuese të gjitha llogarive bankare të gjyqtarëve dhe prokurove, si dhe çdo transferte të kryer në banka./ CityNews





Lajmet e fundit nga