web counter
LEXO PA REKLAMA!

SHKARKO APP

App Store
Google Play

E fundit!

x

I shkon me kallashnikov për ta vrarë/Policia parandalon krimin në Pogradec

3 Gusht 2017, 15:09, Aktualitet CNA

Policia e Pogradecit ka parandaluar përshkallëzimin e mëtejshëm të një konflikti me armë zjarri.

Ngjarja ka ndodhur në fshatin Tushesmisht, ku janë konfliktuar për motive të dobëta dy të rinj, banues në Pogradec.

Uniformat blu bëjnë me dije se menjëherë pas konfliktit njëri prej tyre ka shkuar në shtëpi dhe ka marrë një kallashnikov, duke ndjekur nga pas personin tjetër. ka qenë policia, që ka ndërhyrë në kohë, duke parandaluar krimin.

Sqarimi i plotë i policisë:

Më datë 03.08.2017, jemi njoftuar se në fshatin Tushemisht, janë konfliktuar në rrugë, për motive të dobëta shtetasit A.P, 25 vjeç dhe shtetasi G.Xh, 33 vjeç, banues në Pogradec.
Pas këtij konflikti dyshohet se shtetasi A.P, ka shkuar në banesën e tij në fshatin Tushemisht dhe ka marrë një armë zjarri tip kallashnikov, me qëllim që të ndiqte personin me të cilin ishte konfliktuar.
Reagimi në kohë i Policisë, bëri të mundur parandalimin e përshkallëzimit të mëtejshëm të konfliktit midis këtyre dy shtetasve, pikërisht në një lokal në fshatin Tushemisht, ku shtetasi A.P, pasi kishte marrë armën, kishte hyrë në ambjentet e tij për të kërkuar shtetasin G.Xh.
Porsa ka parë shërbimet e Policisë ky i fundit, është larguar me shpejtësi.
Nga ana e Policisë, janë ngritur grupe kontrolli dhe po vijon krehja e zonës për kapjen e tij.
Grupi hetimor po punon për zbardhjen e rrethanave të ngjarjes, si edhe dokumentimin e plotë të saj./CityNews





Lajmet e fundit nga