E fundit!

11:14 Kronika

Plagosje në Lushnje/ 60-vjeçari godet me thikë kushëririn

Një ngjarje e rëndë ka ndodhur në Lushnje, ku shtetasi I.Y...

Raporti parlamentar/Ky është fati i 280 tonëve ar të buxhetit të shtetit komunist

18 Korrik 2017, 07:34, Aktualitet CNA

Për të verifikuar sasinë e Thesarit të Shtetit, nga vitit 1938 ? 1990, si dhe procesin e sekuestrimeve në vitet e para të regjimit komunist, në fund të vitit 1991, me nismën e Partisë Demokratike u ngrit një Komision i përkohshëm parlamentar me anëtar: Blerim Çelën, Gëzim Lulin, Behadin Bakallin, Vehbi Gruda, Teodor Keko, Qemal Disha, Shkëlqim Cani, Thoma Miço. Konkluzionet gjetjeve Komisioni i solli me anën e hartimit të një raporti, të cilin e ka publikuar Konica.al. Ja përmbajtja e tij :

1-Në Shqipëri ka pasur disa dhjetëra tonelata ar në qarkullim dhe të thesarizuara nga popullata para datës 28 nëntor 1944.

2-Ish Mbreti Zog ka marrë me firmë 183 kg ar si të ardhura personale të oborrit nga diferencat e këmbimeve valutore me doganat.

3-Ministria e Punëve të Brendshme ka sekuestruar forcërisht sipas ligjeve të luftës, arin e popullit, por pa mbajtur dokumentacion të dyanshëm në momentin e sekuestrimit. Këto sasira janë mbajtur një herë në degët e Punëve të Brendshme, pastaj në Ministrinë e Punëve të Brendshme e më pas janë dorëzuar në thesar siç argumentuam më lart dhe shtojmë se këto diferenca tregojnë vetëm majën e ajsbergut sepse ngelen mbi 650 persona të paidentifikuar që kanë dorëzuar ar, të cilit nuk i është bërë hyrje në thesar.

4-Në dokumentat e Ministrisë së Punëve të Brendshme pohohet me shkrim se janë sekuestruar 43.816.682 monedha të arta pa futur shufrat dhe bizhutë e arta. Vetëm ato bëjnë 283 ton flori. Në fakt në thesar janë futur nga sekuestrimet vetëm 3.029 kg ar?.Mungojnë 280 ton ar.

5-Gjatë kohës së diktaturës komuniste janë bërë dalje 7.600 kg ar.. Kjo sipas të dhënave të mara nga drejtori i thesarit të shtetit?dhe janë përdorur për të blerë grurë 224 kg; janë përdorur për dikasteret e ndryshme 37 kg; janë humbur në kambizëm 4.072 kg; janë dhënë për tregtinë e jashtme 3.200 kg për blerje mallrash. Asnjë përgjegjësi nuk është mbajtur për humbjet në kambizëm për 4 ton ar me vlerë 60 milion dollarë. Thesari i Shtetit është i shenjtë, me të nuk mund të luhet, ndryshe kushdo që e prek duhet të përgjigjet me kokë. Se si është përdorur 3.200 kg për blerje mallrash, kjo kërkon një kontroll të dytë nga organe të specializuara me autorizim të paramentit.

6-Duhet të ngrihen grupe hetuesish me specialistë të aftë për të nxjerrë se ku shkon ari në sasi prej 280 ton, duke ballafaquar fatkeqët e grabitur me grabitësit e veshur me rrobën e shtetit??

7-Duhet bërë kontroll në uzinën e Rubikut me mandat parlamentar e të qeverisë për të kontrolluar sasinë e arit të prodhuar në se përputhet me atë të futur në thesar.

8-Të kontrollohet i gjithë dokumentacioni dhe thesari në ruajtje kudo qoftë nga specialistë të Bankës së Shtetit duke nxjerrë gjendjet e lëvizjet e arit në thesar, në Ministrinë e Punëve të Brendshme si dhe atë të dërguar jashtë shtetit.

Asnjë nga tetë detyrat që la Komisioni nuk u zbatua. ?Ai që dinte gjithçka mbi çështjen e arit shqiptar ishte Ramiz Alia?, thekson Konica.al, duke konkluduar: ?Ai ishte personi kyç në të gjitha zhvillimet polike të Partisë së Punës. Por nuk pati asnjëherë një përgjigje të saktë dhe publike të tij. Çdo herë që i është bërë kjo pyetje ai nënqeshte? Dhe përfundimi rrjedhimisht është i qartë: Ari shqiptar u fsheh nëpër bankat perëndimore dhe pa dyshim u pronësua prej udhëheqësve shqiptarë dhe klaneve të tyre?.