web counter
LEXO PA REKLAMA!

SHKARKO APP

App Store
Google Play

E fundit!

x

Kryetari i vetëngrirë vijon zakonin/Tre mashtrimet më të fundit të Lulzim Bashës

17 Korrik 2017, 20:12, Aktualitet CNA

I mësuar me artin e mashtrimit Lulzim Basha e ka të vështirë të heq dorë prej tij edhe pse kjo do të ishte dëshmia më e mirë për t?ia mbushur mëndjen demokratëve se ai ka ndryshuar zakon.

Lulzim Basha vijoi me mashtrime edhe në turin e bashkëbisedimit elektoral me demokratët e Beratit, Kuçovës e Poliçanit, të cilëve u lëshoi tre tëtilla. Më i pari lidhej me analizën e asaj çfarë ndodhi me 25 qershor, ku, sipas tij:?… Përballë ishin PD me vlerat e programin e saj dhe nga ana tjetër, krimi, droga, makineria shtetëtore dhe shitblerja masive e votës?.

Këtu Lulzim Basha artikuloi mashtrimin e parë, pasi humbjen në zgjedhjet e përgjithëshme parlamentare të 25 qershorit nuk ia faturoi vetes por PD-së, ndërkohë që tashmë dihet masivisht se beteja elektorale nuk ishte midis PD-PS-së etj., partive garuese por midis këtyre të fundit dhe Listës Basha, që synonte themelimin e Republikës së Re. Lista Basha kishte përjashtuar nga përmbajtja pjesën më të madhe të lidershipit tradicional, sikurse vetë fushata ishte ngritur mbi mohimin e simboleve tradicionaleve të PD-së.

Por Lulzim Basha mashtroi sërish ku i tha demokratëve të Qarkut të Beratit se projekti i tij i drejtimit të PD-së edhe për një tjetër 4 vjeçar synon:??Fuqizimin e qytetarit, të anëtarit të thjeshtë të PD, që të ketë në dorë vendimet e rëndësishme?Sot ndodhem për herë të dytë para jush në një garë statutore me një anëtar-një vote, për kryetarin e Partisë Demokratike??, artikuloi kandidat-kryetari i vetëngrirë duke premtur të vetmen gjë që nuk ka prirjen për ta bërë.

Sepse gjatë 4 viteve të qënies kryetar, Lulzim Basha e ka anashkaluar tërësisht statutin, duke e injoruar plotësisht jo vetëm politikën e fuqizimit të anëtarit të thjeshtë, por edhe atij potencial. Politika drejtuese e Lulzim Bashës, gjatë katër viteve të shkuara të drejtimit të PD-së, ka qenë vetëvendosja dhe jo kolegjaliteti për çështje të rendësishme, sikurse përcakton statuti i partisë.

Mashtrimi i tretë i kryetarit të vetëngrirë, Lulzim Basha, ka arritur kulmin me thënien se ai ka zgjedhur të sakrifikoj veten për të shpëtuar PD, duke fshehur të vërtetën. Duke injoruar faktin se me këmbënguljen e tij për të mos u dorëhequr nga posti i kryetarit dhe sajimi i fushatës farsë antistatutore, Lulzim Basha, tregon qartë se e do me çdo kusht PD-në jo për ta përdorur në interes të Shqipërisë, por të vetes dhe klanit të ?Republikës së Re?, lista e kandidatëve të të cilës u rrëzuar turpësisht në 25 qershor./CityNews





Lajmet e fundit nga