web counter
LEXO PA REKLAMA!

SHKARKO APP

App Store
Google Play

E fundit!

x

41 amerikanë u betuan për të shërbyer si Vulllnetarë të Korpusit të Paqes

12 Maj 2017, 13:16, Aktualitet CNA

Sot në Tiranë, 41 amerikanë u betuan për të shërbyer në Shqipëri për dy vjet si Vullnetarë të Korpusit të Paqes. Javën tjetër, ata do të nisin punën pranë bashkive, organizatave komunitare, shkollave dhe qendrave shëndetsore në mbarë Shqipërinë.

Ky vit shënon 20-vjetorin e Korpusit të Paqes në Shqipëri. Qysh prej zanafillës së tij, në Shqipëri kanë shërbyer 787 vullnetarë, duke dhënë ndihmë teknike aty ku nevojitej më shumë, duke ndihmuar qytetarët shqiptarë të njohin më mirë amerikanët dhe kulturën e tyre, dhe qytetarët amerikanë të njohin më mirë kulturën shqiptare.

Vullnetarët e Korpusit të Paqes që shërbejnë në Shqipëri, punojnë ngushtë me kolegët shqiptarë, duke u mësuar të rinjve aftësi për jetën dhe gjuhën angleze, duke nisur programe për riciklimin dhe mbjelljen e pemëve, si dhe përfshirjen e të rinjve në projekte të ndryshme sipërmarrjeje, si bletërritje, kampe verore e shumë të tjera.

Ambasadori i Shteteve të Bashkuara të Amerikës, Donald Lu, përgëzoi grupin e ri të Vullnetarëve pas administrimit të betimit, dhe i vlerësoi për shpirtin e vullnetarizmit, duke theksuar rolin e tyre si ?qytetarë ambasadorë?.

Kate Becker, Drejtoresha e Korpusit të Paqes, u solli në vëmendje Vullnetarëve të rinj, ?Ju po qëndroni mbi shpatullat e gjigandëve, të Vullnetarëve dhe kolegëve të mëparshëm, duke parë historinë e punës së tyre, ju mund të shihni më tej, të bëni më shumë dhe të ecni më shpejt?.

Korpusi i Paqes shërben në Shqipëri me ftesë të qeverisë shqiptare. Bashkëpunimi i Korpusit të Paqes dhe qeverisë shqiptare është një tregues i qartë i lidhjes së ngushtë midis Shteteve të Bashkuara dhe Shqipërisë.

Themeluar në 1961 nga Presidenti John F. Kennedy, misioni i Korpusit të Paqes është të kontribuojë në zhvillimin e vendeve mikpritëse dhe të promovojë mirëkuptimin ndërkulturor midis amerikanëve dhe popujve të tjerë.

Rreth 7,213 Amerikanë shërbejnë sot si Vullnetarë të Korpusit të Paqes në 68 vende.  Që nga viti 1961, mbi 225,000 Amerikanë i janë bashkuar Korpusit të Paqes për të punuar në 141 vende në mbarë botën./CityNews





Lajmet e fundit nga