web counter
LEXO PA REKLAMA!

SHKARKO APP

App Store
Google Play

Sekuestrohen 1.7 ton kanabis/ Kapet pronari i stanit

5 Prill 2017, 13:35, Aktualitet CNA

Policia e Vlorës ka përditësuar të dhënat në lidhje me drogën që u sekuestrua një ditë më parë. Bëhet fjalë për 1.7 ton kanabis, të cilat u sekuestruan në cilësinë e provës materiale një ditë më parë.

Në prangat e uniformave blu ka rënë shtetasi Patriot Belulaj, 56 vjeç. Personi që është prangosur është pronar i një stani në afërsi ku u gjet droga. Po të njëjtat burime shtojnë se 56 vjeçari është i përfshirë në kultivimin e drogës. 

“Në vijim të operacionit të djeshëm të zhvilluar nga Policia e Vlorës, ku bëhet fjalë për sekuestrimin e 1708 kilogramë lëndë narkotike Cannabis Sattiva, në Gjirin e Bristanit, Karaburun, bëjmë me dije arrestimin e një prej autorëve të dyshuar në lidhje me këtë ngjarje. Arrestohet shtetasi Patriot Belulaj, 56 vjeç, banues në fshatin Dukat, Vlorë. Policia e Vlorës ka bërë të mundur kapjen dhe arrestimin e tij, pasi ky shtetas është pronar i një stani në Gjirin e Bristanit, në afërsi të vendit ku u gjet sasia e mësipërme me lëndë narkotike. Nga hetimet e kryera, dyshohet se Belulaj është një nga autorët e përfshirë në kryerjen e veprave penale “Trafikimi i lëndëve narkotike, mbetur në tentativë” dhe “Moskallëzim krimi”.

Po punohet për identifikimin dhe kapjen e autorëve të tjerë të implikuar në këtë ngjarje. /CityNews

 

 

 

 





Lajmet e fundit nga