web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori i drogës

24 Shkurt 2017, 16:36, Aktualitet CNA

Në një intervistë për mediat, Ambasadori i OSBE në Tiranë, Bernd Borchardt, tha se në Shqipëri qarkullojnë më shumë se 2 miliardë euro para të pista. Ai u shpreh se  këto para mund të përdoren për të blerë deputetë, pra për të blerë votën në zgjedhjet e 18 qershorit.

Deklarata e fortë e ambasadorit u përcoll nga mediat dhe i bashkohej atyre të kryera nga opozita, e cila përmes përfaqësuesve të saj ka artikuluar dhe akuzuar ashpër qeverinë dhe Ministrin e Brendshm Saimir Tahiri,  se do të përdorë paratë e kanabisit për të blerë votën.

Por, edhe pse ka pak kohë që ka marrë detyrën, ambasadori Borchardt, duket se është përshtatur me Shqipërinë, vendin ku çuditë më të mëdha zgjasin vetëm 3 ditë.

Sot, ai ka zhvilluar një takim me Ministrin e Punëve të Brendshme, Saimir Tahirin, mbi të cilin rëndoi edhe deklarata e fortë e ambasadorit të OSBE për drogën.

Në daljen e përbashkët publike, Borchardt pati një ndryshim në sjelljen e tij dhe deklaratave të dy ditëve më parë. Ai foli si ambasador i drogës dhe si përfaqësues i Partisë Socialiste, kur u mundua të justifikojë deklaratën e rëndë për drogën dhe blerjen e votës përmes parave të pista.

Borchardt tha se deklarata e tij ka pasur një keqkuptim politik dhe se kishte të bënte me vitin 2013. Ky ambasador në vitin 2017 flet për 2013. Është katër vjet me vonesë

?Ka patur një keqkuptim në publik të cilat ne i sqaruam përmes një deklarimi në Twitter. Kisha parasysh që nga 2013 ka pasur disa vlerësime ndërkombëtare që llogariten me një sasi droge që ka qarkulluar në Shqipëri në vlerën e rreth 2 miliardë eurove?, tha ai

Ambasadori i OSBE jo vetëm që u tërhoq nga deklarata e tij e mëparshme, por u kthye në zëdhënësin e policisë në lidhje me drogën.

?Kjo tregon që mbetet ende një lloj energjie kriminale. Përgëzojmë policinë, po kapjet e vazhdueshme tregojnë se përpjekjet duhet të vazhdojnë. Ne sigurisht diskutuam edhe për nevojën për të çuar para Reformën Zgjedhore dhe sesi këto para mund të mbahen larg zgjedhjeve.?, vijoi ambasadori

Një herë flet për të shkuarën, pastaj përgëzon policinë, të tashmen përpiqet ta harrojë, dhe fatkeqësisht sot, ambasadori i OSBE mund të quhet ambasadori i drogës në Shqipëri për qëndrimet që ka mbajtur. E vërteta është një dhe vetëm një, për të janë disa. Nga këto të vërteta mbetet vetëm droga, për të cilën ambasadori ndryshon qëndrime./CityNews





Lajmet e fundit nga