web counter
LEXO PA REKLAMA!

SHKARKO APP

App Store
Google Play

E fundit!

x

Trafik droge nga Karaburuni/ Sekuestrohen 250 kg kanabis

8 Shkurt 2017, 20:23, Aktualitet CNA

Policia e Vlorës ka finalizuar një operacion kundër trafikimit të Lëndëve Narkotike, në bashkëpunim me Delta Force dhe Guardia di Finanza !

Policia bën me dije se sot, rreth orës 16:00, në bazë të informacioneve të marra në rrugë operative se po tentohej të trafikohej lëndë narkotike në drejtim të Italisë, menjëherë filloi ndjekja e tyre me ndihmën e forcave mbështetëse.

Nga kontrolli i ushtruar në zonën e Gjirit Bristan- Karaburun, janë gjetur të fshehura rreth 10 çanta me lëndë narkotike, e dyshuar si Cannabis Sattiva.

Gjithashtu, në zonën e quajtur “Gjiri i Dafinës, janë gjetur 10 bidona me lëndë djegëse “benzinë”.

Vazhdon kontrolli i përbashkët i territoreve tëmësipërme, ndërmjet Policisë Kufitare Vlorë, Drejtorisë Vendore të Policisë Vlorë, Guardia di Finanza dhe Delta Force, pasi dyshohet se mund të ketë sasi të tjera me lëndë narkotike në pyllin e kësaj zone.

Aktualisht, lënda narkotike dyshohet se është rreth 250 kilogramë.

Nga hetimet paraprake, dyshohet se lënda narkotike mund të jetë transportuar me kafshë duke shfrytëzuar kështu rrugët malore të veshtira që të çojnë në zonën pas Karaburunit.

Vazhdojnë veprimet e mëtejshma në lidhje me zbardhjen e detajeve të tjera të këtij operacioni të përbashkët.





Lajmet e fundit nga